ۆاكسينانىڭ ءبىرىنشى دوزاسىن العان ادام اۋرىپ قالسا، ەكىنىشىسىن التى ايدان كەيىن سالدىرادى – ەپيدەميولوگ

ونىڭ ايتۋىنشا، اۋرۋدان كەيىن انتيدەنەلەر التى اي بويى ساقتالادى. ۆاكسينا الماي تۇرىپ الدىمەن انتيدەنەگە يفت- تەست تاپسىرۋ كەرەك. ەگەر ۆاكسينانىڭ ءبىرىنشى دوزاسىن العان ناۋقاس اۋىرىپ قالسا، ەكىنشىسىن سالدىرۋ ءۇشىن التى اي كۇتۋ قاجەت.

«ەگەر انتيدەنەلەر سانى بەلگىلى ءبىر تيتر مولشەرىنەن اسىپ كەتسە، وندا ۆاكسينا الۋعا بولمايدى. ال انتيدەنەلەر سانى از بولسا ۆاكسينا قاجەت، ايتپەسە اۋىرىپ قالۋىڭىز مۇمكىن. ءار اعزانىڭ دەربەس جانە انتيدەنەلەردىڭ جويىلۋ جىلدامدىعى ءار ءتۇرلى ەكەنىن ءتۇسىنۋ كەرەك»، - دەدى ەپيدەميولوگ.

دارىگەر ۆاكسينانىڭ قالاي اسەر ەتەتىنىن ءتۇسىندىردى.

«ازامات ەكپە پۋنكتىنە كەلەدى، كەلىسىمگە قول قويادى، تەراپيەۆتتەن مەديتسينالىق تەكسەرۋدەن وتەدى جانە وسىدان كەيىن عانا دەلتويدتى بۇلشىقەتكە ۆاكسينانىڭ ءبىرىنشى دوزاسىن الادى. سودان كەيىن بەيدج بەرىلىپ كۇتۋ ايماعىنا جىبەرىلەدى، وندا وتىز مينۋت مامانداردىڭ باقىلاۋىندا بولادى»، - دەيدى ول.

سونىمەن قاتار، ول ۆاكسينانى 18 جاسقا دەيىنگى ادامدار، جۇكتى جانە ەمىزەتىن ايەلدەر، اللەرگيالىق رەاكسيالار مەن سوزىلمالى اۋرۋلارى بار ادامداردان باسقالار الۋعا ءتيىس.

ەسكە سالساق، الماتىدا قالا تۇرعىندارىنىڭ ۆاكسينا الۋ ناۋقانى ءجۇرىپ جاتىر. الماتىلىقتارعا ىڭعايلى بولۋ ءۇشىن قالادا 211 ەكپە پۋنكتى جۇمىس ىستەيدى. ولار ەمحانا، ساۋدا ورتالىقتارى، بازار، مەكتەپ، مادەنيەت نىساندارىندا ورنالاسقان جانە كۇن سايىن دەمالىسسىز تاڭعى 8-دەن كەشكى 20:00-گە دەيىن جۇمىس ىستەيدى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى