ۆاكسينا العان زەينەتكەرلەر اقشالاي سەرتيفيكات الۋدا
بالقاشتىڭ ۆاكسينا العان زەينەتكەرلەرىنە جانە ۇلىتاۋ اۋدانىنىڭ تۇرعىندارىنا اقشالاي سەرتيفيكاتتار بەرىلەدى. ول سەرتيفيكاتتارعا ازىق- تۇلىك ساتىپ الۋعا نەمەسە كوممۋنالدىق قىزمەتتەردى تولەۋگە بولادى.
بالقاشتا اكسيانىڭ باستاماشىلارى جەرگىلىكتى كاسىپكەرلەر بولدى. ولار اقشالاي قاراجات ءبولىپ، ازىق- تۇلىك دۇكەندەر جەلىسىمەن، سونداي- اق زەينەتكەرلەردىڭ سەرتيفيكاتتارىن قابىلدايتىن قالانىڭ كوممۋنالدىق كاسىپورىندارىمەن كەلىستى.
«سەرتيفيكاتتار ۆاكسينانىڭ ءبىرىنشى كومپونەنتىن العاننان كەيىن بىردەن ەگۋ پۋنكتەرىندە بەرىلەدى. ولار جالعىزباستى زەينەتكەرلەرگە جانە ەڭ تومەنگى زەينەتاقىسى بار ادامدارعا ارنالعان. سونداي- اق، ولاردى «قانت ديابەتى» دياگنوزىمەن ديسپانسەرلىك ەسەپتە تۇرعان قارت ادامدار الادى. ءبىز تاۋەكەل توبىنا جاتاتىن ەگدە جاستاعى ادامداردى ۆاكسينالاۋعا ىنتالاندىرۋ ءۇشىن وسىنداي اكسيانى باستادىق»، - دەپ اتاپ ءوتتى بالقاش قالاسى اكىمدىگىنىڭ ىشكى ساياسات بولىمىنەن.
ۇلىتاۋ اۋدانىندا «ارشا فاراند» قوعامدىق قورىنىڭ قولعا لاۋىمەن ۆاكسينالانعان ازاماتتارعا اقشالاي سەرتيفيكاتتار بەرۋ باستالدى. 5 مىڭ تەڭگە سوماسىنداعى سەرتيفيكاتتار 65 جاستان اسقان ۆاكسينالانعان اۋدان تۇرعىندارىنا جانە كوپبالالى وتباسىلارعا بەرىلەدى.
اۆتور: اگاتا مۋحامەدجانوۆا
