جىل سوڭىندا ينفلياتسيا جوعارى بولۋى مۇمكىن - ۇلتتىق بانك

بۇل تۋرالى ق ر ۇلتتىق بانكىنىڭ ءتوراعاسى ەربولات دوسايەۆ ءمالىم ەتتى، دەپ حابارلايدى قازاقپارات ءتىلشىسى.

«بيىلعى جىل باسىنداعى ازداعان تۇراقتانۋدان كەيىن مامىردا ينفلياتسيالىق پروتسەستەردىڭ جىلدىق كورسەتىلىم بويىنشا % 7,2- كە دەيىن جەدەلدەۋى بايقالادى. ازىق- تۇلىككە جاتپايتىن تاۋارلار مەن اقىلى قىزمەتتەر باعاسىنىڭ ايتارلىقتاي ءوسۋى ازىق- تۇلىكتىڭ قۇرامداس بولىكتەرىنىڭ دەزينفلياتسياسىمەن تەڭەستىرىلدى. ازىق- تۇلىك ينفلياتسياسى نان- توقاش ونىمدەرىنىڭ، ەتتىڭ، جەمىس- كوكونىس ونىمدەرىنىڭ باعاسى ءوسۋىنىڭ باياۋلاۋى اياسىندا % 9,8- تەن % 9,3- كە دەيىن باسەڭدەدى»، - دەدى ەربولات دوسايەۆ ۇكىمەت وتىرىسىندا.

ۇلتتىق بانك ءتوراعاسى دەزينفلياتسيالىق پروتسەستەرگە قاراماستان، جەكەلەگەن تاۋار نارىقتارىندا قىمباتتاۋ جالعاسىپ جاتقانىن اتاپ ءوتتى.

«كيىم- كەشەك پەن اياق كيىم باعاسىنىڭ % 5,9- كە دەيىن، بەنزين باعاسىنىڭ % 12,7- كە دەيىن ءوسۋ قارقىنىنا بايلانىستى ازىق- تۇلىككە جاتپايتىن ينفلياتسيا % 6,4- تەن % 6,7- كە دەيىن جەدەلدەدى. كارانتيندىك شەكتەۋلەردى جەڭىلدەتۋ جاعدايىندا جوعارىلاعان سۇرانىس اياسىندا، ەلەكتر ەنەرگياسى تاريفتەرىنىڭ ارتۋى مەن جەكەلەگەن قىزمەتتەر باعاسىنىڭ ءوسۋى اياسىندا اقىلى قىزمەتتەر ينفلياتسياسى % 4,1- تەن % 5,1- كە دەيىن جەدەلدەدى. بەنزين باعاسىنىڭ ەداۋىر كۇرت ءوسۋىن، ەلەكتر ەنەرگياسى باعاسىنىڭ ءوسۋىن، بارىنشا كۇشتى فيسكالدىق ىنتالاندىرۋدى جانە جوعارى ينفلياتسيالىق كۇتۋلەردى ەسكەرسەك، 2021 -جىلدىڭ سوڭىنا قاراي، ءبىزدىڭ سوڭعى بولجامدارعا سايكەس، ينفلياتسيا نىسانالى دياپازوننان 0,4-0,5 پايىزدىق تارماققا جوعارى قالىپتاسۋى مۇمكىن. سونىمەن بىرگە، 2022 -جىلى ءبىز ىشكى پروينفلياتسيالىق فاكتورلار اسەرىنىڭ تاۋسىلۋىن جانە سىرتقى ينفلياتسيالىق قىسىمنىڭ السىرەۋىن كۇتەمىز. ناتيجەسىندە ينفلياتسيا بەكىتىلگەن ءدالىز % 4-6- كە كىرەدى»، - دەيدى ە. دوسايەۆ.

اتالعاندى ەسكەرىپ، بيىلعى 7 -ماۋسىمدا ۇلتتىق بانك بازالىق ستاۆكانى % 9 دەڭگەيىندە ساقتاۋعا شەشىم قابىلداعان.

«پروينفلياتسيالىق فاكتورلار تاراپىنان تاۋەكەلدەر ىسكە اسقان جاعدايدا جانە بولجامدى باعالاۋلارمەن سالىستىرعاندا بارىنشا باياۋ دەزينفلياتسيا جاعدايىندا ۇلتتىق بانك اقشا- كرەديت شارتتارىن قاتاڭداتۋ بويىنشا شەشىم قابىلدايدى»، - دەيدى ەربولات دوسايەۆ.

اۆتور: ايجان سەرىكجان قىزى

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى