بيىل بيۋدجەتكە قانشا قاراجات ءتۇستى

«بيىلعى 5 ايدىڭ قورىتىندىسى بويىنشا مەملەكەتتىك بيۋدجەتكە 4 تريلليون 355 ميلليارد تەڭگە سوماسىندا قاراجات ءتۇستى نەمەسە جوسپار % 110,4- كە اتقارىلدى. رەسپۋبليكالىق بيۋدجەتكە 2,7 تريلليون تەڭگە سوماسىندا كىرىستەر ءتۇستى نەمەسە جوسپار % 101,6- كە اتقارىلدى»، - دەدى قارجى ءمينيسترى بۇگىنگى ۇكىمەت وتىرىسىندا.

ونىڭ ايتۋىنشا، كىرىستەر بويىنشا جوسپار 42 ميلليارد تەڭگەگە، ونىڭ ىشىندە سالىقتار بويىنشا - 2 ميلليارد تەڭگەگە، سالىقتىق ەمەس تۇسىمدەر بويىنشا 39 ميلليارد تەڭگەگە اسىرا ورىندالعان.

«بۇل نەگىزىنەن يمپورتقا سالىناتىن قوسىلعان قۇن سالىعى، مۇنايعا ەكسپورتتىق كەدەن باجى جانە كورپوراتيۆتىك تابىس سالىعى ەسەبىنەن قامتاماسىز ەتىلدى. يمپورتقا سالىناتىن ق ق س بويىنشا جوسپاردىڭ اسىرا ورىندالۋى: وتكەن جىلدىڭ ۇقساس كەزەڭىمەن سالىستىرعاندا بيىلعى 4 ايدا ءۇشىنشى ەلدەرمەن يمپورت كولەمىنىڭ % 8,1- كە نەمەسە 488 ميلليون دوللارعا ۇلعايۋىنا بايلانىستى. وعان قوسا 2021 -جىلعى 1 -توقساندا ەۋرازيالىق ەكونوميكالىق وداققا مۇشە مەملەكەتتەردەن يمپورتتىق جەتكىزىلىمدەر كولەمىنىڭ % 11,8- كە ۇلعايۋى اسەر ەتتى. شيكى مۇنايعا ەكسپورتتىق كەدەندىك باج بويىنشا اسىرا ورىنداۋ ەكسپورتتىق كەدەن باجى مولشەرلەمەسىنىڭ ۇلعايۋىنا بايلانىستى بولدى»، - دەپ ءتۇسىندىردى قارجى ءمينيسترى.

اۆتور: ايجان سەرىكجان قىزى

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى