قازاقستاندا قاي سالالاردا ينۆەستيتسيانىڭ ءوسىمى بار

«كەن ءوندىرۋ ونەركاسىبىن ەسەپكە الماعاندا، نەگىزگى كاپيتالعا ينۆەستيتسيالاردىڭ ءوسىمى %25,5 بولدى. ينۆەستيتسيالاردىڭ ءوسۋى قۇرىلىستا - 2,3 ەسە، وڭدەۋ ونەركاسىبىندە -%82، ونىڭ ىشىندە تاماق ونىمدەرى وندىرىسىندە -%24، اقپارات جانە بايلانىستا -%53، اۋىل شارۋاشىلىعىندا -%47، ساۋدا -%46، جىلجىمايتىن مۇلىكپەن وپەراتسيالاردا -%29، كولىكتە - %19 دەڭگەيىن كورسەتتى»، - دەدى ۇلتتىق ەكونوميكا ءمينيسترى بۇگىنگى ۇكىمەت وتىرىسىندا.

ونىڭ ايتۋىنشا، بيىلعى قاڭتار- ءساۋىر ايلارىندا سىرتقى ساۋدا تاۋار اينالىمى 28,1 ميلليارد دوللار بولدى، ونىڭ ىشىندە ەكسپورت - 16,7 ميلليارد دوللار. بۇل رەتتە وڭدەلگەن تاۋارلار ەكسپورتى %16,2- عا ءوسىپ، 5,4 ميلليارد دوللارعا جەتكەن.

«تاۋارلار يمپورتى 11,4 ميلليارد دوللاردى قۇرادى. وسىلايشا 5,3 ميلليارد دوللار دەڭگەيىندە وڭ ساۋدا بالانسى قامتاماسىز ەتىلدى. وڭدەۋ ونەركاسىبى ونەركاسىپتىك ءوندىرىس ديناميكاسىنداعى ۇردىستەردى ايقىنداۋدى جالعاستىرۋدا. ءوسىم %7,2- دى قۇرادى. 14 ءوڭىر وڭدەۋ ونەركاسىبىندە وڭ قارقىن كورسەتتى. ەڭ جوعارعى كورسەتكىش الماتى قالاسىندا، الماتى وبلىسىندا جانە نۇر- سۇلتان قالاسىندا بايقالۋدا. وڭدەۋ ونەركاسىبىندە تومەندەۋ 3 وڭىردە تىركەلدى. ولار - باتىس قازاقستان، اتىراۋ جانە شىعىس قازاقستان وبلىستارى»، - دەيدى ءا. ەرعاليەۆ.

مينيستر كوپتەگەن وڭىرلەردە جوعارى ينۆەستيتسيالىق بەلسەندىلىك بايقالعانىن اتاپ ءوتتى. ەڭ جوعارعى كورسەتكىش تۇركىستان جانە پاۆلودار وبلىستارىندا، الماتى مەن نۇر- سۇلتان قالالارىندا بايقالادى. ينۆەستيتسيا كولەمىنىڭ تومەندەۋى باتىس قازاقستان جانە اتىراۋ وبلىستارىندا تىركەلگەن.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى