التاي كولگىنوۆ قالا مەكتەپتەرىنىڭ وفلاين- وقىتۋ فورماتىنا قاشان كوشەتىنىن ايتتى
«ءبىر جىلدان استام ۋاقىت بۇرىن پاندەميا باستالىپ، بۇل ىندەتتىڭ بارلىق جاعىمسىز سالدارىن بىلدىك. وسى جىلدىڭ باسىنان بەرى تۇرعىنداردى ۆاكسينالاۋ باستالدى. ۆاكسيناتسيا - COVID-19 جەڭۋدىڭ، دەنساۋلىعىڭىزدى، تۋىستارىڭىز بەن اينالاڭىزداعى ادامداردىڭ دەنساۋلىعىن قورعاۋدىڭ جالعىز ءتيىمدى ءادىسى. قالىپتى ومىرگە ورالۋ ءۇشىن ۇجىمدىق يممۋنيتەتتى قالىپتاستىرۋ قاجەت. كوروناۆيرۋسپەن كۇرەستە الدىڭعى شەپتە كەلە جاتقان مۇعالىمدەر، مەديتسينا قىزمەتكەرلەرى، ءتارتىپ ساقشىلارى، الەۋمەتتىك قىزمەتكەرلەر جانە ت. ب. ءبىرىنشى كەزەكتە ۆاكسينا الۋى كەرەك. ويتكەنى ولار تەك وزدەرىن عانا ەمەس، ناۋقاستاردى، وقۋشىلاردى قاۋىپسىزدىگىنىڭ كەپىلى بولادى. وسىلايشا اسا قاۋىپتى ىندەتتەن ارىلۋعا بولادى.
قازىر جاز مەزگىلى، كوپتەگەن ادامدار دەمالىسقا شىعاتىن كەز. ال 1 -قىركۇيەكتەن باستاپ جاڭا وقۋ جىلى باستالادى. وقۋ فورماتى ۇجىمدىق يممۋنيتەت پەن پەداگوگتاردىڭ ەكپە الۋ كورسەتكىشىنە بايلانىستى بولادى. قازىر مۇعالىمدەردىڭ ەكپە سالۋ كورسەتكىشى %40 دان استى. ءبىراق بۇل مەكتەپتەردى وفلاين فورماتتا اشۋ ءۇشىن جەتكىلىكسىز. وقۋشىلار دا، اتا- انالار دا وفلاين- وقىتۋ فورماتىنا ورالعىسى كەلەدى دەپ ايتسام قاتەلەسپەيمىن. ويتكەنى ءمۇعالىم- وقۋشى تەت- ا- تەت فورماتىندا ءبىلىم العانعا ەشتەڭە جەتپەيدى. ۇجىمدىق يممۋنيتەتكە قول جەتكىزە وتىرىپ، قالا بۇرىنعى قالىپتى ومىرگە ورالا الادى. بارلىق قوعامدىق ورىندار اشىلىپ، قىزمەتكەرلەر قاشىقتان جۇمىس فورماتىنان ورالىپ، وقۋشىلار وفلاين فورماتتا وقي باستايدى، بيزنەس نىساندارى دا بۇرىنعىداي جۇمىس ىستەيدى. بۇگىنگى تاڭدا ۆاكتسينانىڭ ءبىرىنشى كومپونەنتىن ەلوردانىڭ 170 مىڭعا جۋىق تۇرعىنى الدى. ەگۋ پۋنكتتەرى ەمحانالاردا، س و و، ءس ۇ جانە باسقا دا قوعامدىق ورىنداردا ورنالاستىرىلعان. ىندەتتى جەڭۋ ءارقايسىمىزعا بايلانىستى ەكەنىن ەستەن شىعارماعان ءجون»، - دەيدى ەلوردا اكىمى.
