ەلىمىزدە ەت باعاسى تاعى قىمباتتاۋى مۇمكىن

اۋىلداردا مال ازىعى تاپشى. شارۋالاردىڭ شىعىنى شاش ەتەكتەن. ءبىر عانا جانار- جاعارماي باعاسى شارىقتاپ كەتكەن. ەڭبەككەرلەردىڭ جالاقىسىن ءوسىرۋ دە ۋاقىت تالابى. مۇنىڭ بارلىعى تۇپتەپ كەلگەندە تۇتىنۋشى قالتاسىن قاعادى. اۋىل شارۋاشىلىعى مينيسترلىگى باعاعا باقىلاۋ ورناتا الماي وتىر. نەگە؟

راۋان مىڭبايەۆ، ءتىلشى:

- قازاق ەجەلدەن مال باققان ەل. ءتورت- تۇلىگىن تولدەتىپ وتىرعان اۋىل- ايماق كوپ. جاۋاپتى ۆەدومستۆو ۇسىنعان مالىمەت بويىنشا ەلدە 8 ميلليون ءىرى قارا، 2 ميلليون جىلقى جانە 20 ميلليون قوي بار. ستاتيستيكا جىل سايىن %7 كە ءوسىپ وتىرادى. مال كوبەيىپ كەلەدى دەگەنىمىزبەن، بازارداعى باعا ىرىققا كونبەي تۇر. اسىرەسە، ەت باعاسى شارىقتاپ كەتكەن. وعان اۋىل شارۋاشىلىعى مينيسترلىگى تاراپىنان باقىلاۋ جوق.

ەركەبۇلان احمەتوۆ، ق ر ا ش م مال شارۋاشىلىعى ونىمدەرىن ءوندىرۋ جانە قايتا وڭدەۋ دەپارتامەنتىنىڭ ديرەكتورى:

- ەندى ەت باعاسى تاعى قىمباتتاپ كەتە مە دەگەن قاۋىپ بار. سەبەبى، بيىل شارۋالاردىڭ شىعىنى كوپ. جانار- جاعارماي قىمبات. جەم- ءشوپ تە جەتىسپەيدى. تاياۋدا ماڭعىستاۋ وبلىسى مەن قىزىلوردانىڭ ەكى اۋدانى قۋاڭشىلىققا تاپ بولدى. مينيسترلىك سول جاققا قوسىمشا كومەك، ياكي مال ازىعىن جىبەرۋدى جوسپارلاپ وتىر. ەت قانا ەمەس، كوكونىس پەن باقشا ونىمدەرى دە قىمبات. ماسەلەن، قانت باعاسى ءار دۇكەندە ءار ءتۇرلى. ءمينيستردىڭ ايتۋىنشا، جاعداي باقىلاۋدا. تۇتىنۋشىنىڭ الاڭداۋىنا ەش نەگىز جوق.

قانت - ەلدەگى تاپشى ونىمدەردىڭ ءبىرى. 50%- تەن استامىن سىرتتان ساتىپ الامىز. تاۋىق ەتى دە سولاي. ءبىرشاما بولىگى يمپورتتالادى. سوندىقتان ونىڭ دا باعاسىن ىرىققا كوندىرۋ قيىن. اۋىل شارۋاشىلىعى مينيسترلىگى ماسەلەنى بيىل شەشەمىز دەپ وتىر. مينيسترلىكتىڭ ەسەبىنە جۇگىنسەك، اۋىل شارۋاشىلىعى سالاسى مەملەكەتتىك قولداۋدان كەندە ەمەس.

ۇكىمەت تاراپىنان كورسەتىلگەن كومەك بيىل 366 ميلليارد تەڭگەگە جەتكەن. وعان ءار ءتۇرلى باعىتتا بەرىلەتىن سۋبسيديالار دا كىرەدى. ءبىراق سول قاراجاتتىڭ قايتارىمى ازىرگە از بولىپ تۇر. ونى سورەدەگى باعادان دا بايقاي بەرىڭىز.

www.24.kz

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى