ا ق ش- تاعى قازاقستان ەلشىلىگى اشارشىلىق تاقىرىبىنا دوڭگەلەك ۇستەل ۇيىمداستىردى
ءىس- شارانى قازاقستاننىڭ ا ق ش- تاعى ەلشىلىگى دجوردج ۆاشينگتون ۋنيۆەرسيتەتى (GWU) جانىنداعى ورتالىق ازيا باعدارلاماسىمەن بىرلەسە ۇيىمداستىردى. دوڭگەلەك ۇستەل اياسىندا مەريلەند ۋنيۆەرسيتەتىنىڭ پروفەسسورى، اشارشىلىق تۋرالى كىتاپتىڭ اۆتورى سارا كەمەرون، GWU حالىقارالىق قاتىناستار فاكۋلتەتىنىڭ دەكانى پيتەر روللبەرگ، قازاقستاندىق ساياساتتانۋشى جانە «تاۋەكەلدەردى باعالاۋ توبىنىڭ» ديرەكتورى دوسىم ساتپايەۆ، GWU جانىنداعى ەۋروپالىق، رەسەيلىك جانە ەۋرازيالىق زەرتتەۋلەر ينستيتۋتىنىڭ ديرەكتورى مارلەن لارۋەل ءسوز سويلەدى.
ءىس- شارانى اشا وتىرىپ، قازاقستان ەلشىسى ەرجان اشىقبايەۆ اشارشىلىق تراگەدياسىنىڭ ۇلت تاريحىندا الاتىن ەرەكشە ورنى تۋرالى تۇسىنىكتەمە بەرىپ، بۇل تاقىرىپتى قولدان ساياسيلاندىرماي، ونى ءبىرىنشى كەزەكتە عىلىمي تۇرعىدا كەشەندى زەرتتەۋ قاجەتتىلىگىنە نەگىزدەلگەن ۇستانىم باسىم بولۋى ءتيىس ەكەنىنە ەرەكشە توقتالدى. اشارشىلىقتىڭ سەبەپتەرى مەن سالدارىن سيپاتتاي وتىرىپ، س. كەمەرون بۇل وقيعالاردى زەرتتەۋدە ورىس تىلىندەگى قۇجاتتارمەن قاتار قازاق تىلىندەگى دەرەككوزدەردى قولدانىپ، وعان بارىنشا وبەكتيۆتى قاراۋعا مۇددەلى ەكەنىن ەسكەرتتى. سونىمەن بىرگە اتالعان تاقىرىپقا عىلىمي قوعامداستىقتىڭ قىزىعۋشىلىعى ارتىپ كەلە جاتقانىن جانە ونى ا ق ش- تا وسىنداي ءىس- شارا اياسىندا العاشقى رەت تالقىلانىپ وتىرعانىن اتاپ ءوتتى.
ءوز كەزەگىندە د. ساتپايەۆ ءوزىنىڭ مادەني- اعارتۋ قورىنىڭ قاتىسۋىمەن س. كەمەرون كىتابىنىڭ قازاق تىلىندە جارىق كورۋى قازاقستاننىڭ جاس ۇرپاعىنىڭ ۇلت تاريحىنداعى وسى قايعىلى كەزەڭدى تەرەڭ تۇسىنۋىنە ۇلەس قوساتىنىنا سەنىم ءبىلدىردى.
