مۇناي قىمباتتاپ، تەڭگە باعامى نىعايىپ كەلەدى - ۇلتتىق بانك

بۇل تۋرالى ۇلتتىق بانك ءتوراعاسىنىڭ ورىنباسارى ءاليا مولدابەكوۆا ايتتى.

«مامىردا ەتالوندىق Brent سۇرىپتى مۇنايدىڭ باعاسى ءبىر باررەل ءۇشىن 69,32 ا ق ش دوللارىنا دەيىن، ياعني %3,1 عا ءوستى. حالىقتى ۆاكسينالاۋدىڭ جالعاسۋى جانە كارانتين شەكتەۋلەرىنىڭ جەڭىلدەۋى ا ق ش ەكونوميكاسىن جاقسارتىپ، مۇناي باعاسى 70 دوللارعا دەيىن جەتتى. «وپەك+» ۇيىمى مۇناي ءوندىرۋ جونىندەگى قولدانىستاعى كەلىسىم ۇزارتىلعاننان كەيىن قوسىمشا وڭ كورسەتكىشتەر بايقالادى»، - دەدى ءاليا مولدابەكوۆا.

ۇلتتىق بانك وكىلىنىڭ ايتۋىنشا، سونىڭ اسەرىنەن مامىردا تەڭگە باعامى 428,71 تەڭگەگە دەيىن نەمەسە %0,1 عا نىعايعان.

«سالىق اپتاسى مەن بەيرەزيدەنتتەر ينۆەستيتسيالارىنىڭ ۇلعايۋى تەڭگە ءۇشىن قوسىمشا وڭ فاكتورلار بولدى. ەكسپورتتاۋشىلار سالىق كەزەڭىندە شامامەن 290 ميلليون ا ق ش دوللارىن بيرجادا كونۆەرتاتسيالادى. ال بەيرەزيدەنتتەردىڭ قازاقستاننىڭ مەملەكەتتىك باعالى قاعازدارىنا كەلۋى شامامەن 100 ميلليارد تەڭگەنى قۇرادى. بارلىق اتالعان وڭ فاكتورلار اياسىندا تەڭگەنىڭ شامالى نىعايۋى ديۆيدەندتەر تولەۋ ءۇشىن شەتەل ۆاليۋتاسىنا سۇرانىستىڭ ارتۋىنا بايلانىستى بولدى»، - دەيدى ۇلتتىق بانك وكىلى.

سونداي-اق، ول ۆاليۋتا نارىعىنداعى جاعداي تەڭگەرىمدى بولعاندىقتان ۇلتتىق بانكتىڭ ينتەرۆەنتسيا جۇرگىزۋىنە قاجەتتىلىك بولماعانىن ايتادى.

«بيۋجەتكە ترانسفەرتتەر اۋدارۋ ءۇشىن ۆاليۋتا نارىعىندا 553 ميلليون ا ق ش دوللارى كونۆەرتاتسيالاندى. كۆازيمەملەكەتتىك سەكتوردىڭ ساتۋ كولەمى شامامەن 340 ميلليون ا ق ش دوللارىنا جەتتى. ماۋسىمدا تەڭگە باعامىنىڭ نىعايۋى جالعاسىپ وتىر. ايدىڭ باسىنان باستاپ مۇنايدىڭ ەڭ جوعارى باعالارى اياسىندا ۆاليۋتا 428,71 دەن 426,70 ارالىعىندا نەمەسە %0,5 عا نىعايدى»، - دەيدى ءاليا مولدابەكوۆا.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى