ۇيسىزدەردى «ۇلكەن جەتىلىك» سامميتى قارساڭىندا ەۆاكۋاتسيالايدى
انگليانىڭ وسى كوركەم بۇرىشىنىڭ تۇرعىندارى كەلۋشىلەردىڭ كوپ بولاتىنىنا بايلانىستى دايىندالىپ جاتىر، ال پوليتسيا قاۋىپسىزدىك شارالارىن كۇشەيتۋدە. وسىنداي قادامداردىڭ ءبىرى ۇيسىزدەردى ەۆاكۋاتسيالاۋ جانە ولاردى ايماقتان تىس جەردە ورنالاستىرۋ بولدى.
بيلىكتىڭ مۇنداي بۇيرىقتارى مەن قۇقىق قورعاۋ ورگاندارىنىڭ ارەكەتتەرى قايىرىمدىلىق ۇيىمدارىنىڭ نارازىلىعىن تۋدىردى.
«جاڭا كىلت» قايىرىمدىلىق ۇيىمىنىڭ مەنەدجەرى مونيك كوللينس كەيبىر ءۇيسىز ادامدار كولىكتەردە، باسقالارى شاتىرلاردا قالعاندىعىن، كوبىسى كورنۋوللدان تىس جەردە ورنالاستىرىلعاندىعىن ايتتى.
«ءبىراق بۇل ادامداردىڭ بارلىعى ءبىز تۇرعان نيۋكيدە تۋىپ- وسكەن. ەندى ولار پليمۋت پەن وكحەمپتونداعى قوناق ءۇي بولمەلەرىنە ورنالاستىرىلدى، ولار وسى بۇدان بىرنەشە شاقىرىم جەردە ورنالاسقان. بۇل كەشىرىلمەيتىن ارەكەت»، - دەدى.
سارسەنبىدە ا ق ش پرەزيدەنتى دجو بايدەن سامميتكە قاتىسۋ ءۇشىن ەۋروپاعا بارادى. بەيسەنبىدە ول ۇلى بريتانيانىڭ پرەمەر-ءمينيسترى بوريس دجونسونمەن كەلىسسوزدەر جۇرگىزەدى دەپ كۇتىلۋدە.
بايدەننىڭ ەۋروپالىق ساپارى جەنيەۆادا رەسەي پرەزيدەنتى ۆلاديمير پۋتينمەن كەزدەسۋىمەن اياقتالادى.
