موڭعوليادا پرەزيدەنت سايلاۋى باستالدى

سايلاۋ ۋچاسكەلەرى جەرگىلىكتى ۋاقىت بويىنشا تاڭعى ساعات 7:00-دە اشىلىپ، 22:00-گە دەيىن جۇمىس ىستەيتىن بولادى. بيىلعى جىلدان باستاپ موڭعوليا پرەزيدەنتى 6 جىلدىق مەرزىمگە سايلانادى. پرەزيدەنت قىزمەتىنە وسى جولى ۇسىنىلعان كانديداتتار اراسىندا موڭعول حالىق پارتياسىنىڭ اتىنان - ل. حۋرەلسۋحا، دەموكراتيالىق پارتيادان - س. ەردەنە جانە «ءجونى دۇرىس ادام، ەلەكتورات» كواليتسياسىنان د. ەنحباتا بار.

سايلاۋشىلار تىزىمىندە 2040784 ادام تىركەلگەن. بۇل كۇنى بۇكىل ەل بويىنشا 2087 سايلاۋ ۋچاسكەسى جۇمىس ىستەپ وتىر، ال بيۋللەتەندەر قولدان سانالادى. كەشە، 8 - ماۋسىم كۇنى داۋىس بەرۋگە ارنالعان كوشپەلى سايلاۋ جاشىكتەرىنىڭ كومەگىمەن ەلدىڭ 25619 ازاماتى داۋىس بەرگەن. سونداي- اق، قىزىل ايماقتا جۇمىس ىستەپ جۇرگەن مەملەكەتتىك قىزمەتشىلەر، اباقتىدا وتىرعان 7051 ازامات جانە ينفەكسيا جۇقتىرماعان، ءبىراق سايلاۋ ۋچاسكەلەرىنە كەلە المايتىن شامامەن 18 مىڭ ادام داۋىس بەردى.

بۇدان باسقا، موڭعوليانىڭ 30 ەلدەگى 44 ديپلوماتيالىق وكىلدىگىندە سايلاۋ ۋچاسكەلەرى قۇرىلىپ، 30-31 -مامىر كۇندەرى مەرزىمىنەن بۇرىن داۋىس بەرۋ ءوتتى. شەتەلدە تىركەلگەن 7394 ازاماتتىڭ 76 پايىزى (5618 ادام) ءوز تاڭداۋىن جاسادى. پرەزيدەنتتىك سايلاۋدى شەتەلدىك جانە حالىقارالىق ۇيىمداردىڭ 43 ۇيىمى باقىلاپ، 40 ءتىلشى اقپارات تاراتادى.

اۆتور: زارينا تۋعانبايەۆا

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى