ەۋرووداقتىڭ ارنايى وكىلى قىرعىز- تاجىك شەكاراسىنداعى شيەلەنىس تۋرالى پىكىر ءبىلدىردى
«مەنىڭ ويىمشا، قىرعىزستان مەن تاجىكستان اراسىنداعى شەكاراداعى قاقتىعىس شەكارانى دەليميتاتسيالاۋ جانە دەماركاتسيالاۋ، بىرلەسكەن سۋ رەسۋرستارىن باسقارۋ ماڭىزدى ماسەلە ەكەنىن كورسەتىپ وتىر. بۇل - تەز ارادا شەشىلۋى قاجەت، وتە ماڭىزدى سىن- قاتەر دەۋگە بولادى»، - دەدى پيتەر بۋريان نۇر- سۇلتاندا وتكەن جۋرناليستەرمەن كەزدەسۋدە.
ەۋرووداق وكىلى شەكارا مەملەكەتتەردى اجىراتپاي، كەرىسىنشە بىرىكتىرەتىن فاكتور بولۋ كەرەكتىگىن اتاپ ءوتتى .
«ءبىز اراداعى كەلىسسوزدەردى شەكارالاردى باسقارۋدىڭ وڭىرلىك BOMCA باعدارلاماسى ارقىلى قولداۋعا دايىنبىز. بۇل باعدارلاما 22 ميلليون ەۋرو كولەمىندە قارجىلاي قولداۋعا يە بولدى، وعان اۋعانستان دا كىرەدى»، - دەدى ە و- نىڭ ورتالىق ازيا بويىنشا ارنايى وكىلى.
سونداي- اق، ول شەكاراداعى بايلانىستاردىڭ ىنتىماقتى دامۋى وڭىردەگى ەسىرتكى اينالىمىنا دا توسقاۋىل بولاتىنىن ەسكە سالدى.
«شەكارا ماڭى ىنتىماقتاستىعى مەن ساۋدانى دامىتۋ ارقىلى ءبىز ادامداردىڭ ەركىن قوزعالىسىنا، شەكاراداعى وزگە دە پروبلەمالاردى شەشۋگە ىقپال ەتىپ، ەسىرتكىنىڭ زاڭسىز اينالىمى مەن كونترابانداعا توسقاۋىل قويعىمىز كەلەدى. بۇگىنگى قاقتىعىستىڭ ءبىر قىرى وسىعان كەلىپ تىرەلەدى»، - دەپ تۇيىندەدى پيتەر بۋريان.
اۆتورى تيمۋر دۇيسەكەيەۆ
