ۇلتتىق قوردىڭ ترانسفەرتتەرىنەن باس تارتۋ بيۋجەت تاپشىلىعىنا اكەلۋى مۇمكىن - ءاليحان سمايىلوۆ
«سىزدەردىڭ قازاقستان رەسپۋبليكاسى ۇلتتىق قورىنىڭ قاراجاتىن پايدالانۋ جونىندەگى دەپۋتاتتىق ساۋالدارىڭىزدى قاراپ، مىنانى حابارلايمىن. بيۋجەتتىڭ اعىمداعى شىعىستارىنا ۇلتتىق قوردىڭ قاراجاتىن شەكسىز الۋدى توقتاتۋعا جانە بيۋجەتكە جىل سايىنعى كەپىلدەندىرىلگەن ترانسفەرتتەردەن باس تارتۋعا قاتىستى بيۋجەت زاڭناماسىنا سايكەس ترانسفەرتتەر بيۋجەتتىڭ كىرىس بابىنىڭ اجىراماس بولىگى بولىپ تابىلادى. ەلدەگى جانە الەمدەگى قالىپتاسقان ماكروەكونوميكالىق جاعدايدى ەسكەرە وتىرىپ، بيۋجەتكە جىل سايىنعى ترانسفەرتتەردەن باس تارتۋ بيۋجەتتىڭ ايتارلىقتاي تاپشىلىعىنا الىپ كەلۋى مۇمكىن»، - دەپ جازىلعان جاۋاپتا.
سونداي-اق، ۇكىمەت باسشىسىنىڭ ءبىرىنشى ورىنباسارى ۇلتتىق قوردىڭ كەپىلدەندىرىلگەن ترانسفەرتتەرى تۇراقتاندىرۋ فۋنكتسياسىن جۇزەگە اسىرۋ ءۇشىن قاجەت ەكەنىن ەسكە سالادى.
«ۇلتتىق قوردىڭ جيناقتاۋ فۋنكتسياسىن ورىنداۋ ماقساتىندا مەملەكەت باسشىسىنىڭ 2020-جىلعى 22- جەلتوقسانداعى 474№ جارلىعىمەن ۇلتتىق قوردىڭ قاراجاتىن قالىپتاستىرۋ جانە پايدالانۋ تۇجىرىمداماسىنا كونترتسيكلدىك بيۋجەت قاعيداسى بولىگىندە وزگەرىستەر ەنگىزىلدى. ماسەلەن، ۇلتتىق قوردان كەپىلدەندىرىلگەن ترانسفەرت بويىنشا بيۋجەت قاعيداسى ينفلياتسيا بويىنشا ۇزاق مەرزىمدى ماقساتقا ۇلعايتىلعان نىسانالى ۇزاق مەرزىمدى ەكونوميكالىق ءوسۋ دەڭگەيىندە مەملەكەتتىك شىعىستاردىڭ ءوسۋ قارقىنىنا تىكەلەي شەكتەۋ بەلگىلەيتىن كونترتسيكلدىك تەتىكپەن كۇشەيتىلدى. كەپىلدەندىرىلگەن ترانسفەرت ءتيىستى جوسپارلى كەزەڭگە ارنالعان كەپىلدەندىرىلگەن ترانسفەرت تۋرالى قازاقستان رەسپۋبليكاسىنىڭ زاڭىندا 2-ايقىندالاتىن كەسىمدى باعا كەزىندە مۇناي سەكتورىنان ۇلتتىق قورعا تۇسەتىن تۇسىمدەر مولشەرىنەن اسپايتىن مولشەردە ايقىندالاتىن بولادى»، - دەپ جازادى ءاليحان سمايىلوۆ.
