جانسايا ابدىمالىك نوكاۋت-جۇيە بويىنشا وتەتىن الەم چەمپيوناتىنا قاتىسادى
بۇل تۋرالى شاحماتشىنىڭ ءوزى ورتالىق كوممۋنيكاتسيالار قىزمەتىندە وتكەن بريفينگىدە ايتتى.
«ارينە، مەن وتە قاتتى قۋاندىم. ويتكەنى بۇل جەتىستىككە ۇزاق دايىندالعان ەدىك. ەرلەر اراسىنداعى گروسسمەيستەرلىك نورمامدى سوڭعى رەت 2018-جىلى ورىنداعان بولاتىنمىن. پاندەميا باستالعاننان كەيىن كوپ ۋاقىت بويى ويناۋدىڭ ءساتى تۇسپەدى. وسىنداي چەمپيوناتقا بارىپ، الەمنىڭ 11 شاحماتشى قىزىمەن ويناي وتىرىپ، ءساتتى ونەر كەرسەتۋدىڭ اسەرى بولەك»، - دەدى جانسايا ابدىمالىك.
سونداي-اق، ول رەسەيدە نوكۋات-جۇيە بويىنشا وتەتىن تۋرنيرگە قاتىساتىنىن ءمالىم ەتتى.
«كەلەسى تۋرنيرگە كەلسەك، نوكاۋت-جۇيە (پلەي-وفف) رەد.) بويىنشا وتەتىن الەم چەمپيوناتىنا قاتىسۋدى جوسپارلاپ وتىرمىن. ول تۋرنير شىلدە ايىندا رەسەيدىڭ سوچي قالاسىندا وتەدى»، - دەدى گروسسمەيستەر.
