جاڭا قاۋلى: الماتىدا اس بەرۋگە رۇقسات ەتىلدى

بۇل تۋرالى جانداربەك بەكشين ايتتى، دەپ حابارلايدى قازاقپارات ءتىلشىسى.

ونلاين بريفينگ بارىسىندا جانداربەك بەكشين جاڭا قاۋلىعا ەنگىزىلگەن وزگەرستەردى اتاپ ءوتتى.

«ءبىز وبەكتىلەردى ەكى بلوكقا بولدىك: Ashyq قوسىمشاسىنا قاتىسپايتىن جانە Ashyq قوسىمشاسىنا قاتىساتىن نىساندار. ايتالىق، قوعامدىق تاماقتانۋ ورىندارى ساعات 00:00 گە دەيىن جۇمىس ىستەي الادى، ءبىراق ورىندار سانى 60 قا دەيىن بولۋ كەرەك. سونىمەن قاتار، اس بەرۋگە رۇقسات ەتىلىپ جاتىر، ءبىراق شاقىرىلعان ادامدار سانى 50 دەن اسپاۋى شارت.

«قىزىل» ايماقتا بولعان كەزدە بوۋلينگ ورتالىقتارى كەلۋشىلەر سانى %30 دان اسپايتىن كولەمدە جۇمىس ىستەدى، ال ءقازىر بۇل كولەم %50 دان اسپاۋى ءتيىس دەلىنەدى، ياعني بيلياردپەن بىردەي. تەاترلار، كينوتەاترلار ادام قابىلداۋ كولەمىنىڭ 40 پايىزى دەڭگەيىندە جۇمىس ىستەي الادى، بۇرىن ول 30 پايىزدى قۇرادى»، - دەدى ول.

سونداي-اق ول كەزەكشى توپتاردا ەندى 25 بالادان وقي الاتىنىن (الدىندا 15 بالا بولعان) جەتكىزدى، كەڭسە قىزمەتكەرلەرىنىڭ 50 پايىزى وفلايندا جۇمىس ىستەۋىنە رۇقسات، جابىق جانە اشىق بازارلار ەشقانداي شەكتەۋسىز جۇمىس ىستەي الادى (الدىندا ولاردىڭ جۇمىسىنا سەنبى، جەكسەنبى كۇندەرى تىيىم سالىنعان).

Ashyq جوباسىنا قاتىساتىن ساۋنالار، كۋرورتتار، سپورت كەشەندەرى، فيتنەس ورتالىقتار، يوگا ورتالىقتارى دا شەكتەۋسىز جۇمىس ىستەي الادى. جاڭا قاۋلى 8- ماۋسىمدا كۇشىنە ەنەدى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى