جانسايا ابدىمالىك «دارا» وردەنىمەن ماراپاتتالدى
ەستەرىڭىزگە سالا كەتەيىك، گيبرالتارداعى ايەلدەر اراسىنداعى شاحماتتان گران-پري كەزەڭىندەگى ويىنىنىڭ قورىتىندىسى بويىنشا جانسايا ابدىمالىك تاريحي جەتىستىكتىڭ اۆتورى بولدى. بىردە-ءبىر ويىندا جەڭىلمەگەن شاحماتشى مارتەبەلى جارىستا مەرزىمىنەن بۇرىن جەڭىسكە جەتىپ قانا قويماي، سونىمەن قاتار حالىقارالىق گروسسمەيستەر اتاعىن العان العاشقى قازاقستاندىق، سونداي-اق ورتالىق ازيا وكىلى بولدى.
بەيبىت اتامقۇلوۆ سپورتشىنى جەتىستىگىمەن شىن جۇرەكتەن قۇتتىقتاپ، ەلىمىزدىڭ سپورت جەتىستىكتەرى قازىناسىنا قوسقان ۇلەسى ءۇشىن العىس ءبىلدىردى. سونداي-اق، شاحماتشىعا جاڭا جەتىستىكتەر تىلەدى.
ايتا كەتەيىك، جانسايا ابدىمالىك - قازاقستاندىق شاحماتشى، حالىقارالىق گروسسمەيستەر. ءوزىنىڭ العاشقى اتاعىن جانسايا ابدىمالىك التى جاسىندا، 2006-جىلى الماتى قالاسىنىڭ چەمپيوناتىندا 8 جاسقا دەيىنگى قىزدار اراسىندا جەڭىپ العان.
