قىتايدا العاشقى ايەروزولدى ۆاكسينانى قولدانۋعا ءوتىنىم بەرىلدى

دەپ حابارلايدى قازاقپارات مەنشىكتى ءتىلشىسى سينحۋا اگەنتتىگىنە سىلتەمە جاساپ.

(ينگالياتسيا (دەم ارقىلى جۇتۋ، دەم تارتۋ) - ەمدىك ماقساتتا بيولوگيالىق اكتيۆتى زاتتاردى نە ءدارى- دارمەكتەردى دەم ارقىلى ورگانيزمگە ەنگىزۋ ءادىسى.)

COVID-19-عا قارسى العاشقى ينگالياتسيالىق ۆاكسينانى قىتاي ينجەنەرلىك اكادەمياسىنىڭ اكادەميگى چەن ۆەي شاڭحايداعى يننوۆاتسيا فورۋمىندا ۇسىندى. قىتاي اكادەميگىنىڭ ايتۋىنشا، ينگالياتسيالىق ۆاكسينا ينەكسيالىق ادەنوۆيرۋستىق ۆەكتورلىق ۆاكسينانىڭ بەستەن ءبىر دوزاسىن عانا كەرەك ەتەدى جانە ونى ساقتاۋ، تاسىمالداۋ قاجەت ەمەس.

«ەگەر ۆاكسينا ينگالياتور ارقىلى جۇتىلسا، وندا ول شىرىشتى قابىقتاردىڭ يممۋنيتەتىن قالىپتاستىرۋعا قابىلەتتى. انتيدەنەلەر مەن جاسۋشالىق يممۋنيتەتتىڭ دامۋىمەن بىرگە بۇل دەنەنى كوروناۆيرۋستان قورعاۋعا مۇمكىندىك بەرەدى»، - دەيدى چەن ۆەي.

ول سونداي- اق 2020 -جىلدىڭ تامىزىندا قىتايدا ينەكسياسىز ۆاكسينانى زەرتتەۋ ناتيجەلەرى العاش رەت جاريالانعانىن جانە سول جىلدىڭ قىركۇيەگىندە ۋحان قالاسىندا ونىڭ كلينيكالىق سىناقتان وتكەنىن اتاپ ءوتتى.

اۆتور: اياۋلىم التىنبەك

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى