قازاقستانعا شاي قاي ەلدەردەن كەلەدى

كوفە باعاسى دا 5,3 پروتسەنتكە كوتەرىلدى. اسىرەسە، باتىس قازاقستان وبلىسىندا تۇيىرشىك ءشاي 25 پروتسەنتكە، پاۆلوداردا 21، شىمكەنتتە 19 پروتسەنتكە قىمباتتادى.

باعانىڭ وسۋىنە بىرنەشە سەبەپ بار. سونىڭ نەگىزگىسى يمپورتتالاتىن شاي باعاسىنىڭ شارىقتاۋى. ماسەلەن، بيىل ءبىرىنشى توقساندا 10,2 مىڭ توننا شاي مەن كوفە يمپورتتالدى. بۇل ىشكى نارىقتىڭ 70 پروتسەنتىنە جۋىق. ال قازاقستاندىق كاسىپورىندار 6 جارىم توننا ءشاي ءوندىردى. وتاندىق وندىرىستە 20 پروتسەنت ءوسىم بار. دەسە دە بۇل باعانى تۇراقتاندىرۋعا جەتكىلىكسىز.

جالپى، قازاقستانعا شاي قاي ەلدەردەن كەلەدى؟ ءتىزىم باسىندا كەنيا تۇر. بيىل ءۇش ايدا بۇل ەلدەن 12 ميلليون 400 مىڭ ا ق ش دوللارىنا 3,6 مىڭ توننا شاي ونىمدەرى اكەلىنگەن. ودان كەيىن ءۇندىستان 10 ميلليون دوللارعا، جانە كورشى رەسەيدەن 4 ميلليونعا 700 توننا شاي يمپورتتالعان. ماماندار ءۇندىستاندا كوروناۆيرۋستىڭ ۋشىعۋى جانە برازيلياداعى قۋاڭشىلىققا بايلانىستى الەمدە شاي ءوندىرىسى ازايىپ، باعاسى قىمباتتايدى دەگەن پايىم جاساپ وتىر.

www.24.kz

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى