تويدا توست ايتۋعا شىعىپ، اسپانعا وق اتقان جىگىت كوپشىلىكتەن كەشىرىم سۇرادى
الماتى وبلىستىق پوليتسيا دەپارتامەنتى باسپا ءسوز قىزمەتىنىڭ مالىمەتىنشە، ەلدىڭ زارەسىن ۇشىرعان ازامات دىبىستى- جارىقتى تاپانشا قولدانعان.
«تاپانشامەن اسپانعا وق اتقان 26 جاستاعى ازامات انىقتالدى. ول - الماتى قالاسىنىڭ تۇرعىنى. ول تىلەك ايتۋعا شىعىپ، دىبىستى- جارىقتى تاپانشامەن جوعارى جاققا قاراي اتقان. قازىر اكىمشىلىك كودەكستىڭ 436-بابىنىڭ 1-بولىگى بويىنشا ءىس قوزعالىپ، ساراپتاما تاعايىندالىپ، تاپانشا تاركىلەندى. توي يەسى مەن مەيرامحانا قوجايىنىنا قاتىستى دا تەكسەرۋ ءجۇرىپ جاتىر»، - دەپ مالىمدەدى الماتى وبلىستىق پوليتسيا دەپارتامەنتىنىڭ باسپا ءسوز قىزمەتىنەن.
ايتا كەتەيىك، الەۋمەتتىك جەلىدە تويدا تىلەك ايتۋعا شىققان ازاماتتىڭ ءبىرى كەنەتتەن جوعارىعا قاراي وق اتىپ، جەلى قولدانۋشىلارىن شوشىتقان بولاتىن.
«مەن، يزديەۆ حابيبوللا، الماتى قالاسىنىڭ تۇرعىنىمىن. تويدا تىلەك ايتۋعا شىعىپ، اسپانعا ءتورت رەت وق اتتىم. بۇل ارەكەتىم ءۇشىن كوپشىلىكتەن كەشىرىم سۇرايمىن. بۇنداي ارەكەت ەكىنشى مارتە قايتالانبايدى»، - دەيدى بەينەجازبا اۆتورى.
