شىمكەنت قالاسىنىڭ باس سانيتار دارىگەرىنىڭ جاڭا قاۋلىسى شىقتى

قۇجاتتا مەيرامحانا، ءدامحانا جانە كوفەحانا سياقتى قوعامدىق تاماقتانۋ نىساندارى %50 دەيىن تولتىرىلعان جاعدايدا ساعات 07:00 دەن 02:00 گە دەيىن جۇمىس ىستەي الاتىنى ايتىلعان. ءبىراق نىسانداعى جۇكتەلىم 70 ورىننان اسپاۋى كەرەك.

جازعى الاڭدار، ساۋنا مەن مونشالار، س پ ا ورتالىقتارى Ashyq جۇيەسىندە ادەتتەگى رەجيمدە جۇمىس ىستەيدى. Ashyq جۇيەسىنە قاتىسۋشى فۋدكورتتارعا %30 دەيىن تولتىرىلعان جاعدايدا ساعات 10:00 دەن 00:00 گە دەيىن جۇمىس ىستەۋگە رۇقسات. ءبىراق ورىندار سانى 50 دەن اسپاۋى كەرەك.

تەاترلار، كينوتەاترلار، كونسەرت زالدارى، فيلارمونيالار، بوۋلينگتەر، سيركتەر تولىمدىلىعى %50 اسپاي جۇمىس ىستەي الادى. ال PlayStation كلۋبتارى مەن كومپيۋتەرلىك كلۋبتار تولىمدىعى %60 اسپاۋى شارت.

بانكەت زالدارى ءبىر ادامعا كەمىندە 4 شارشى مەتر الاڭدى قامتاماسىز ەتۋ ارقىلى ساعات 07:00 دەن 02:00 گە دەيىن جۇمىس ىستەي الادى.

تولىمدىق %50 دان، ورىن سانى 70 تەن اسپاۋى كەرەك. كاراوكە نىساندارىنا %50 جۇكتەلىممەن، ورىن سانىن 60 ادامنان اسىرماي ساعات 07:00 دەن 02:00 گە دەيىن جۇمىس ىستەۋگە رۇقسات ەتىلەدى.

كورمەلەر ءبىر ادامعا 6 شارشى مەتردەن كەم بولمايتىن الاڭمەن قامتاماسىز ەتىلگەن جاعدايدا كەلۋشى سانىن ءبىر ۋاقىتتا 250 دەن اسىرماي، تولىمدىقتى %70 دان اسىرماي قىزمەت كورسەتە الادى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى