الماتى جولىنداعى جانجال اتىسپەن اياقتالدى

الماتى قالالىق پوليتسيا دەپارتامەنتىنىڭ مالىمەتىنشە، «BMW» كولىگىنىڭ جۇرگىزۋشىسى مەن «Hyunday « اۆتوكولىگىنىڭ جولاۋشىسى اراسىنداعى جانجال بەكماحانوۆ-سپاسسكايا كوشەلەرىنىڭ قيىلىسىندا بولدى.

«جانجال كەزىندە «BMW» جۇرگىزۋشىسى تاپانشانى الىپ، قارسىلاسىنا وق اتتى. مەيلى، ول بۇرىشپەن وقتالعان بولسا دا، وق اتقان ادامنىڭ ارەكەتى بۇزاقىلىق دەپ ەسەپتەلەدى. ياعني، ق ر ق ك- ءنىڭ 293-بابى، 3-بولىگى، 2-تارماعىنا جاتادى. مۇنداي ارەكەت ءۇشىن 3 جىلدان 7 جىلعا دەيىن باس بوستاندىعىنان ايىرىلۋى مۇمكىن»، - دەدى تۇركسىب اۋداندىق پوليتسيا باسقارماسىنىڭ وكىلى ماقسات قاناپيايەۆ.

جەدەل-ىزدەستىرۋ شارالارى بارىسىندا كۇدىكتى ۇستالدى. ول - 1993-جىلى تۋعان ب. ەسىمدى ازامات. سيگنالدىق تاپانشا تاركىلەندى جانە قىلمىستىق ءىس ماتەريالدارىنا ەنگىزىلدى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى