بيىل ادىلەت مينيسترلىگىنە ساياسي پارتيا قۇرۋعا قانشا ءوتىنىم كەلىپ ءتۇستى؟

بۇگىن ورتالىق كوممۋنيكاتسيالار قىزمەتىندەگى باسپا ءسوز ءماسليحاتىندا ساياسي پارتيالاردى قۇرۋعا ءوتىنىم بەرگەندەردى تىركەۋگە قاتىستى سۇراق قويىلدى.

سوڭعى ايلاردا بىرنەشە ءوتىنىم كەلىپ تۇسكەنىنە توقتالعان مينيستر، «حالىق دەربەستىگى» بويىنشا ءوتىنىم قابىلداندى، كەيىننەن باستاماشى توپ سەزد وتكىزبەك بولدى. دەگەنمەن ولار قۇجاتتاردى كەيبىر كەمشىلىكتەرمەن، ياعني زاڭناماعا سايكەس كەلمەيتىن تارتىپتە ەنگىزدى. ال قالعان باستاماشى توپتار باستاپقى ءوتىنىمدى قۇقىقتىق كەمشىلىكتەرمەن ەنگىزدى. سوندىقتان ولار تىركەلمەدى»، - دەدى.

كەيىننەن ادىلەت مينيسترلىگىنىڭ باسپا ءسوز قىزمەتى 2021-جىلدىڭ باسىنان بىرلەستىكتەردەن تەك ەكى ءوتىنىم كەلىپ تۇسكەنىن ناقتىلادى.

م. بەكەتايەۆ ساياسي پارتيالاردى قۇرۋ تۋرالى وتىنىمگە ۆەدومستۆو جاۋاپ بەرگەن كەزدە باستاماشى توپتاردىڭ ناقتى قاتەلىكتەرى كورسەتىلەتىنىن ايتتى.

«كوبىنە تىزىمدە قازاقستان ازاماتى ەمەس ادامداردىڭ جەكە مالىمەتتەرى وتكىزىلىپ جاتادى. سونىمەن قاتار، زاڭناما بويىنشا ساياسي پارتيا قۇرۋعا باستاماشىلىق جاساي المايتىن ازاماتتار انىقتالىپ جاتادى نەمەسە قايتىس بولعان ادامداردىڭ مالىمەتتەرى كەزدەسەدى. ياعني بۇل ءجيى كەزدەسەتىن جاعدايلار»، - دەدى مينيستر.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى