الماتىلىقتار ءانۇراندى ءار جەردە ءبىر ۋاقىتتا ورىندادى
«ءبىز مەترو ستانتسياسىنا جينالىپ، ءانۇراننىڭ العاشقى اۋەنىن ويناعاندا، جولاۋشىلار بىزگە جاقىنداي باستادى، بىرەۋ جاي ءان ايتسا، بىرەۋ ۇيالى سمارتفونداردىڭ كامەراسىنا ءتۇسىردى. وسىنداي ءىس-شارا ءارقايسىنىڭ نازارىن اۋداردى، بىزدەن سۇراي باستادى، ءبىز بۇگىن مەملەكەتتىك رامىزدەر كۇنى ەكەنىن ايتتىق. بۇل قازاقستان حالقى ءۇشىن ەرەكشە مەرەكە، ويتكەنى كەز كەلگەن مەملەكەتتىڭ وركەندەۋى مەملەكەتتىك رامىزدەرگە دەگەن قۇرمەتتەن باستالادى»، - دەدى ۆولونتەر ايبەك مەلسوۆ.
وسى كەزدە بوستاندىق اۋدانىنىڭ جاستار رەسۋرستىق ورتالىعىنىڭ ەرىكتىلەرى فۋدكورتتىڭ جانىندا ورنالاسقان «مەگا سەنتر» س و و- عا جينالدى.
ۇيىمداستىرۋشىلاردىڭ ايتۋىنشا، اكسياعا الماتى قالاسىنىڭ 40 قا جۋىق جاس قاتىستى.
«بۇل ورىن كەزدەيسوق تاڭدالماعان. مۇندا كۇن سايىن قالا جاستارى كەلەدى، بۇل اكسيا ولاردىڭ پاتريوتتىق تاربيەسىنە ارنالدى. مەنىڭ ويىمشا، ءبىز ءوز ماقساتىمىزعا جەتتىك. بۇل اكسيا ءبىر دە ءبىر كەلۋشىنى بەيجاي قالدىرمادى»، - دەدى ءادىل نۇرپەيىسوۆ.
تۇركسىب اۋدانىنىڭ جاستار رەسۋرستىق ورتالىعىنىڭ بەلسەندىسى ارناي ساحىمبەتوۆ كەرەمەت كوڭىل-كۇي سىيلادى. ول 70 ەرىكتى قاتارىندا ساۋرانبايەۆ-سپارتاك كوشەلەرىنىڭ قيىلىسىندا ق ر ءانۇرانىن ورىندادى.
«بارلىعى ەرەكشە سەزىمدە بولدى، بىزگە اسكەري وركەستر سۇيەمەلدەندى، ءارقايسىمىز تۋ، ءانۇران، ەلتاڭبانى ماقتان ەتەمىز. ءبىز مەملەكەتتىك رامىزدەرىمىزدىڭ بار ەكەنىن باعالاۋىمىز كەرەك»، - دەدى ارناي ساحىمبەتوۆ.
سونىمەن قاتار، ءانۇران بارلىق سكۆەرلەردە، جاياۋ جۇرگىنشىلەر كوشەلەرىندە، مەترودا، «مەدەۋ» كەشەنى مەن «شىمبۇلاق» كۋرورتىنىڭ اۋماعىندا، سونداي-اق «كوك توبە» ساياباعىندا شىرقالدى.
