كەك الماق بولعان: جەزقازعاندا ەر ادام وقۋشى قىزعا پىشاق سالدى

ول وسىلايشا، بارلىق بويجەتكەننەن ءوش الماق بولعان، دەپ حابارلايدى قازاقپارات ءتىلشىسى.

3- ماۋسىم كۇنى كەشكە قالالىق پوليتسيا بولىمىنە 14 جاستاعى مەكتەپ وقۋشىسى پىشاق جاراقاتىمەن مەديتسينالىق مەكەمەگە جەتكىزىلگەنى تۋرالى حابارلاما تۇسكەن.

جاس ءوسپىرىمنىڭ باقىتىنا وراي، العان جاراقاتى اۋىر بولماعاندىقتان اۋرۋحاناعا جاتقىزىلماعان. وقيعا جابىرلەنۋشىنىڭ ءۇيىنىڭ جانىندا بولعان.

وعان بەيتانىس ەر ادام تايانىپ، كەنەتتەن پىشاق جۇمساعان. وسىدان كەيىن شابۋىلشى قاشىپ كەتكەن.

«ۋچاسكەلىك پوليتسيا ينسپەكتورلارى ساۋاتتى جەدەل ءىس-قيمىل جۇرگىزە وتىرىپ، ءىزىن سۋىتپاي كۇدىكتى - 20 جاستاعى جاس جىگىتتى ۇستادى. ول بۇزاقىلىق نيەتپەن جابىرلەنۋشىگە دەنە جاراقاتىن سالعانىن مويىندادى. قاسكۇنەمنىڭ ايتۋىنشا، ول قىزدارمەن قارىم-قاتىناس قۇرا الماعان جانە ولاردان كەك الۋدى شەشكەن. جاس جىگىت پىشاقپەن قارۋلانىپ، كەشكە قاراي كوشەگە شىققان. ونىڭ كوزىنە ءبىرىنشى بولىپ اتالعان جابىرلەنۋشى تۇسكەن. ق ر ق ك- ءنىڭ 293-بابى «بۇزاقىلىق» بويىنشا قىلمىستىق ءىس قوزعالدى. تەرگەۋ ءجۇرىپ جاتىر»، - دەپ حابارلادى قاراعاندى وبلىستىق پوليتسيا دەپارتامەنتىنىڭ باسپا ءسوز قىزمەتىنەن.

قازىرگى ۋاقىتتا كۇدىكتىگە قاتىستى بۇلتارتپاۋ شاراسى تاڭدالۋدا.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى