تورەشىلەر شەشىمىمەن كەلىسپەگەن قازاقستاندىق بوكسشى ازيا چەمپيوناتىنىڭ كۇمىس جۇلدەسىن تاعۋدان باس تارتتى

دۋبايدا وتكەن جارىستىڭ 91 كەلىدەگى فينالىندا ول تورەشىلەردىڭ داۋلى شەشىمىنە تاپ بولدى.

جەڭىس پەن التىن جۇلدە ءۇندىستاندىق بوكسشى سانجيتكە بەرىلدى. قازاقستاندىق بوكسشى جۇلدەنى الماۋ ارقىلى بۇل شەشىممەن كەلىسپەيتىندىگىن بىلدىرگەنگە ۇقسايدى.

ايتا كەتەيىك، لەۆيت ءۇش رەت ازيا چەمپيونى بولعان قازاقستاندىق جالعىز بوكسشى. ول قۇرلىقتىق جارىستى 2009، 2015- جانە 2017-جىلدارى جەڭىپ العان. ال 2019-جىلى ول بۇل تۋرنيردىڭ قولا جۇلدەگەرى بولعان.

ەسكە سالايىق، دۋبايدا وتكەن چەمپيوناتتا فينالعا شىققان بەس بوكسشىمىزدىڭ ەشقايسىنا التىن بۇيىرمادى.

لەۆيتتتەن بولەك، كۇمىس جۇلدەنى دانيال ءسابيت (49 كەلى)، ابىلايحان ءجۇسىپوۆ (69 كەلى)، ءابىلحان امانقۇل (75 كەلى) جانە قامشىبەك قوڭقابايەۆ (91 كەلى) يەلەندى.

ساكەن بيبوسىنوۆ (52 كەلى) قولا جۇلدەگەر اتاندى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى