الەم ەكونوميكاسى قالىپقا كەلە باستادى

ياعني جىل سوڭىنا دەيىن الەمدىك ىشكى جالپى ءونىم 5,8 پروتسەنتكە جەتەدى. بۇل سوڭعى 48 جىلداعى رەكوردتى كورسەتكىش.

ەكونوميكانىڭ قالىپقا كەلۋى حالىقتى ۆاكسينالاۋمەن تىكەلەي بايلانىستى دەيدى ماماندار. ويتكەنى قازىر ا ق ش پەن ۇلى بريتانيادا ۆاكتسينا دوزاسى تۇرعىندارىنىڭ 90 پروتسەنتنە جەتەدى. سايكەسىنشە وسى ەلدەردە ءوسىم الەمدىك ءورتاشا كورسەتكىشتەن جوعارى بولادى. ال دامۋشى ەلدەر ەكونوميكاسىنىڭ قايتا اياققا تۇرۋى 5 جىلعا دەيىن سوزىلۋى مۇمكىن. ۇيىم ماماندارى پاندەميا كەزىندە ەلدىڭ سىرتقى قارىزىن ارتتىرماۋعا، سالىق جۇيەسىنە ءتيىمدى وزگەرىستەر ەنگىزىپ، ءبىلىم بەرۋ، دەنساۋلىق ساقتاۋ جانە كليماتتىڭ وزگەرۋىنە بايلانىستى جوبالارعا ينۆەستيتسيانى ارتتىرۋعا كەڭەس بەرەدى. ويتكەنى كەز كەلگەن قيىن جاعدايدا ءبىلىم مەن دەنساۋلىق قانا ەلدى العا سۇيرەيتىنىنە سەنىمدى.

لورانس بۋن، ە ى د ۇ باس ەكونوميسى:

- تۋريزم سالاسى قانشالىقتى شىعىنعا باتقانى بەلگىسىز. ولار قازىرگىدەي جاعدايعا بارىنشا بەيىمدەلۋى كەرەك. ال وسى سالادا جۇمىس ىستەپ ءجۇرىپ، قىسقارتۋعا ۇشىراعان مامانداردى قايتا وقىتىپ، ەكونوميكانىڭ وزگە سالالارىنا باعىتتاۋ قاجەت. بۇعان قوسا تۋريزم سالاسىنا مەملەكەت تاراپىنان كومەك بەرىلىپ، قيىن جاعدايدان تەز شىعۋىنا جاعداي جاساعان دۇرىس. كارانتين اياقتالىپ، شەكارا اشىلعان كەزدە ولار قوناقتاردى قابىلداۋعا دايىن بولۋى ءتيىس.

www.24.kz

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى