وسكەمەندە شاكارىم قۇدايبەردى ۇلىنىڭ ەسكەرتكىشى اشىلدى
بۇل وسكەمەنگە قويىلعان شاكارىمنىڭ العاشقى كەۋدەمۇسىنى. بيۋست شاھارداعى شاكارىم قۇدايبەردى ۇلى اتىنداعى №1 مەكتەپ الدىنا ورناتىلدى.
-31-مامىر - ساياسي قۋعىن- سۇرگىن قۇرباندارىن ەسكە الۋ كۇنىندە قازاقتىڭ ءبىرتۋار پەرزەنتى، ءومىرى مەن شىعارماشىلىعىنا التى الاشتى ارقاۋ ەتكەن، ۇلتىن شەكسىز ءسۇيىپ وتكەن شاكارىم بابامىزدىڭ ەسكەرتكىشىن اشتىق. ۇلى دالانىڭ دارىن يەسى ۇرپاق ەسىنەن ەشقاشان سونبەك ەمەس. وسى تۇستا شاكارىمداي قازاقتىڭ دارا ۇلىنا ەسكەرتكىش ورناتۋعا ءوز ۇلەسىن قوسىپ، بارىنشا قولداۋ كورسەتىپ، بارلىق جۇمىستى جۇمىلا اتقارعان ازاماتتارعا العىسىمدى بىلدىرەمىن! ۇلتتىڭ ۇيىسۋى ءارقايسىمىزعا، ءاربىرىمىزدىڭ نيەتىمىز بەن تالاپ- تىلەگىمىزگە تىكەلەي بايلانىستى ەكەنىن ۇمىتپايىق!، - دەدى مەكتەپ ديرەكتورى ءادىل سايلاۋبەك.
ايتا كەتەيىك، بيۋستتىڭ اشىلۋ سالتاناتىندا سانيتارلىق ەپيدەميالوگيالىق تالاپتار قاتاڭ ساقتالعان. ەسكە سالا كەتسەك، بىلتىر شىعىس قازاقستان وبلىسىندا ابايدىڭ جيدەبايداعى مۋزەي- ءۇيىنىڭ كىرەبەرىسىنە اباي مەن شاكارىم بەينەلەنگەن ستەللا ورناتىلدى.
