پاۆلودارلىق دومبىراشى حالىقارالىق فەستيۆالدە ءبىرىنشى ورىن ەنشىلەدى

ەكى كەزەڭدە وتكەن بايقاۋعا 68 ەلدەن كەلگەن مۋزىكانتتار قاتىستى، دەپ حابارلايدى قازاقپارات Pavlodarnews.kz-كە سىلتەمە جاساپ.

پاۆلودارلىق تەمىرلان ولجاباي ەرنات ناۋرىزبەن دۋەتتە حالىقارالىق Golden Time Talent فەستيۆالىندە ءبىرىنشى ورىندى جەڭىپ الدى.

- ءتۇرلى ساناتتاعى گراند- فينال ونلاين فورماتتا ءوتتى. مۋزىكانتتار ۆيۆالديدىڭ توپتاماسىنان اۆتورلىق وڭدەۋدە «جىل مەزگىلدەرى» («جاز») تۋىندىسىن وينادى. ۆيدەونى ۇلى بريتانيا مەن قازاقستان كومانداسى ءتۇسىردى، - دەپ حابارلادى وبلىستىق مادەنيەت، تىلدەردى دامىتۋ جانە مۇراعات ءىسى باسقارماسىنىڭ ءبولىم باسشىسى يساتاي حيكمەتوۆ.

بايقاۋ ەكى كەزەڭنەن تۇردى. ءبىرىنشى قازاقستاندىق دومبىراشىلار دۋەتى قۇرمانعازى مەن نۇرعيسا تىلەنديەۆتىڭ تۋىندىلارىنان قازاق كۇيلەرىنەن پوپۋرري وينادى. مۋزىكانتتار الەۋمەتتىك جەلىلەردە قۋانىشتى جاڭالىقتارىمەن ءبولىستى.

- ءسۇيىنشى! الەمدىك Golden Time Talent بايقاۋىندا ءبىرىنشى ورىن الدىق! ءوزىمىزدىڭ بريتاندىق جانە قازاقستاندىق كوماندالارعا العىسىمىزدى بىلدىرەمىز، - دەپ جازدى پاۆلودارلىق Instagram-دا.

- ءبىز تەك قازاق دانىشپاندارىنىڭ عانا ەمەس، الەمگە ايگىلى كومپوزيتورلاردىڭ دا شىعارمالارىن وينادىق. جاس ارتىستەر دەمەۋشىلەر مەن پروديۋسەرلەرسىز بيىك جەتىستىكتەرگە جەتۋدە. تەمىرلان مەن ەرنات - كۋرستاستار، قازاق ۇلتتىق ونەر ۋنيۆەرسيتەتىندە وقىپ جۇرگەن كەزدەن بىرگە جۇمىس ىستەي باستاعان.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى