الماتىدا ءىرى كولەمدە ەسىرتكى ساتقان ەر ادام ۇستالدى
الماتى قالالىق پوليتسيا دەپارتامانتى ءمالىم ەتكەندەي، قوستاناي وبلىسىنىڭ تۋماسى، 30 جاستاعى ەر ادام بىرنەشە اي بويى پسيحوتروپتى جانە ەسىرتكى زاتتارىن تاراتۋشى كۋرەرى بولىپ جۇمىس ىستەگەن.
«وسى ۋاقىت ارالىعىندا ول كۋرەردەن ساتۋشىعا دەيىن كوتەرىلگەن. ەر ادام ەسىرتكى تاسىمالداۋ كەزىندە ۇستالدى. پاترۋلدىك قىزمەتكەرلەر تۇتقىنداۋ كەزىندە ودان 22 ورام پسيحوتروپتى زات تابىلىپ، تاركىلەدى. كۇدىكتى وسىعان ۇقساس 13 وراما تابىلعان جانە تاركىلەنگەن ورىندى كورسەتتى. سوت- حيميالىق ساراپتاما قورىتىندىسىنا سايكەس، تاركىلەنگەن زات «مەفەدرون» پسيحوتروپتى زات ەكەنى انىقتالدى»، - دەدى م. اۋەزوۆ اۋداندىق پوليسيا باسقارماسىنىڭ باستىعى ۇلان ءابىلحايىر.
بۇل فاكت بويىنشا سوتالدى تەرگەۋ ق ر ق ك- ءنىڭ 297-بابى 3-بولىگىنىڭ 3-تارماعىنا سايكەس تىركەلدى.
وسى قىلمىستى جاساعانى ءۇشىن مۇلكىن تاركىلەۋمەن ون جىلدان ون بەس جىلعا دەيىنگى مەرزىمگە باس بوستاندىعىنان ايىرۋ تۇرىندە جازا قاراستىرىلعان. كۇدىكتى ۋاقىتشا ۇستاۋ يزولياتورىنا قامالدى.
