الماتى وبلىسىندا كولىكتىڭ ءنومىرىن الىپ تاستاپ سايران قۇرعان تۇلەكتەر ۇستالدى
قازىر پوليتسيا ولارعا قاتىستى شارا قولدانۋدا، دەپ حابارلايدى قازاقپارات ءتىلشىسى.
«وقيعا جامبىل اۋدانىنىڭ ورتالىعى ۇزىناعاش اۋىلىندا بولعان. ولار - كوللەدج تۇلەكتەرى. اۆتوماشيناداعى ادامدار دا، كولىكتەر دە انىقتالدى. قازىر پوليتسەيلەر وسى وقيعاعا قاتىستى ءتيىستى شارا قولدانىپ جاتىر»، - دەپ مالىمدەدى الماتى وبلىستىق پوليتسيا دەپارتامەنتىنىڭ باسپا ءسوز قىزمەتىنەن.
الماتى وبلىستىق پوليتسيا دەپارتامەنتىنىڭ باسپا ءسوز قىزمەتى قوسىمشا اقپارات كەيىنىرەك جاريالاناتىنىن ايتتى.
ەستەرىڭىزگە سالا كەتەيىك، بۇعان دەيىن الەۋمەتتىك جەلىلەردە مەملەكەتتىك ءنومىرسىز جۇرگەن كورتەجدىڭ ۆيدەوسى تاراعان بولاتىن.
اۆتور: سامال قابىشيەۆا
