ۋكراينانىڭ حاركوۆ قالاسىندا ۇلى ابايعا ەسكەرتكىش ورناتىلادى
كەزدەسۋ بارىسىندا قالانىڭ ورتالىق الاڭدارىنىڭ بىرىندە ۇلى ابايعا ەسكەرتكىش ورناتۋ جوباسىن تالقىلاپ، ونى ىسكە اسىرۋ ءۇشىن قازاقستاننىڭ حاركوۆتاعى قۇرمەتتى كونسۋلى ەمين نادجافلي باستاماسىمەن، كەزدەسۋ وتكىزدى. كەزدەسۋ بارىسىندا بەلگىلى ءمۇسىنشى سەيفاددين قۇربانوۆ شىعارمانى «ءومىر اعاشى» دەپ اتالاتىن تريپتيح تۇرىندە ۇسىندى. كومپوزيتسيا قازاق، ۋكراين جانە ازەربايجان حالىقتارىنىڭ كورنەكتى وكىلدەرى - اباي قۇنانباي ۇلى، گريگوري سكوۆورودا جانە مىرزا فاتالي احۋندوۆتىڭ مۇسىندەرىنەن تۇرادى.
ولاردىڭ «كورىنبەيتىن» بايلانىسى - بۇل ولاردىڭ حالىقتارىنىڭ رۋحاني- ادامگەرشىلىك اعارتۋىنا قوسقان وراسان زور ۇلەسى، عاسىرلار بويى سىنالعان وتانعا دەگەن دانالىق پەن شەكسىز سۇيىسپەنشىلىك. حاركوۆتىڭ فونتاندار مەن جاسىل جەلەكتەرمەن قورشالعان كوركەم اۋدانىندا ورنالاساتىن ەسكەرتكىشتىڭ جالپى بيىكتىگى - 4 مەتر. الاڭ 2543 شارشى مەتردى قۇرايدى.
د. كالەتايەۆ مۇسىندىك كومپوزيتسيا باۋىرلاس حالىقتار اراسىنداعى رۋحاني بايلانىستى ودان ءارى نىعايتۋعا مۇمكىندىك بەرەتىندىگىن، سونداي- اق ولاردىڭ مادەنيەتى مەن ونەرىنىڭ كەڭىنەن تانىلۋىنا، دامۋىنا جانە ىنتىماقتاستىعىنا ىقپال ەتەتىندىگىن اتاپ ءوتىپ، قالا باسشىلىعىنا كورسەتكەن قولداۋى ءۇشىن العىسىن ءبىلدىردى.
«ءبىز بۇل ەسكەرتكىشتى ۋكراين حالقىنىڭ قازاق حالقىنا، قازاقستاننىڭ تاريحى مەن رۋحانياتىنا دەگەن قۇرمەتى رەتىندە قابىلدايمىز»، - دەدى ەلشى.
