تەست. العاش كورگەنىڭىز - ءسىزدىڭ ۋايىمىڭىز

ءسىزدىڭ دە ساناڭىز الىسقان نارسە بولسا، تومەندەگى سۋرەت ارقىلى انىقتاپ كورەيىك. بۇل سۋرەتتەن ءبىرىنشى نەنى بايقادىڭىز؟ مىنا تىزىمنەن تاۋىپ، ساراپتاماسىن وقىپ شىعىڭىز جانە كەڭەستى ەسكەرىڭىز.

پانتەرا

ەڭ ءبىرىنشى پانتەرانى بايقاساڭىز، سىزدەگى كۇيزەلىس قارىم- قاتىناستان تۋىپ وتىر دەگەن ءسوز. سۇيىكتىڭىزبەن اراڭىز الىستاپ بارا جاتقانىن سەزىپ ءجۇرسىز. ءبارىن قالپىنا كەلتىرۋ ءۇشىن ەڭ العاشقى كەزدەسۋدى، سۇيىكتىڭىزدىڭ رياسىز كۇلكىسىن، سىزگە دەگەن ىقىلاسىن بىلدىرگەن كەزىن ەسكە ءتۇسىرىڭىز. باستىسى - جىلى ءسوز بەن جىلى شىراي.

ارىستان

قاراپايىم دۇنيەنى جاساۋ (ءۇي جيناۋ، كيىم ۇتىكتەۋ، كولىك ايداۋ، ت. س. س) اياق استىنان كۇردەلى بوپ كەتسە، ءبىر اپتا ەڭبەك دەمالىسىن العان دۇرىس. ءبىراق بۇل دەمالىستى وزىڭىزگە ارناۋىڭىز كەرەك. ەگوڭىزدى وسى سۋرەتتەن ىزدەپ وتىرعانىڭىز، ارىستاندى تاڭداعانىڭىز وسىعان دالەل بولىپ وتىر. ءستيلىڭىزدى، شاش قويۋ ءادىسىڭىزدى، قاجەت بولسا (بار بولسا) كولىگىڭىزدى اۋىستىرساڭىز دا ۇتىلمايسىز.

زەبرا

وتباسىڭىز - ءسىز ءۇشىن الدىڭعى شەپتە جانە ولار ءۇشىن جانىڭىزدى بەرەسىز. ءتىپتى، ءارقايسىسىن ويلاپ، ۇزاق ۋاقىت كوز ىلمەيسىز. ۋايىم جەمەڭىز. ولارعا باعىت- باعدار بەرىپ، سىرتىنان باقىلاپ جۇرسەڭىز، ولار دا ءوز بەتىمەن ءومىر ءسۇرۋدى ۇيرەنەتىن بولادى. ءبارىنىڭ باسىن قوسىپ، بولاشاققا قۇرعان ماقسات- جوسپارىن ءبىلىپ وتىرىڭىز، وسى الدەقايدا پايدالىراق.

كەرىك

كەرىك بايقاساڭىز، جۇمىس پەن قارجىلىق جاعدايىڭىزدى قاتتى الاڭداپ جۇرگەنىڭىزدى بىلدىرەدى. باسەكەلەستىك كەز كەلگەن جەردە بولادى. قارجىلىق قىسىم دا ەشكىمگە وڭاي سوقپاسى انىق. تەحنولوگيا دامىعان كەزدە سىزدە زامان تالابىنان قالماي، ءوزىڭىزدى كاسىبي تۇرعىدا دامىتىڭىز. تەگىن كۋرستارعا بارىپ، ونلاين شەبەرلىك سىنىپتاردى قاراڭىز.

كوگىلدىر قۇس

الدىمەن كوگىلدىر قۇسقا كوزىڭىز تۇسسە، ءوزىڭىزدى جاپاندا جالعىز قالعانداي سەزىنىپ ءجۇرسىز دەگەندى بىلدىرەدى. بۇل قازىرگى تاڭدا ورىندى ماسەلە. ادامدار قولدارىنداعى قۇرىلعىمەن ءتىل تابىسىپ، كوڭىل كۇيىن «سارى باۋىرساقتارمەن» ءبىلدىرىپ جاتسا، ءسىزدىڭ كىناڭىز ەمەس. ولارمەن سويلەسە الماي جاتساڭىز، بەتپە- بەت كەزدەسۋگە شاقىرىڭىز. التەرناتيۆتى نۇسقالار ۇسىنىپ، كوپ ۋاقىتتى شىنايى ومىرگە ارناۋىن « ءوتىنىڭىز» .

الا قۇس

بۇل قۇستاردى بايقاساڭىز، ءسىز دە جالعىزدىقتان قۇسا بوپ جۇرگەن ادامسىز. ءبىراق ءسىز ويىڭىزدى، سەزىمىڭىزدى ايتا الماي جۇرگەن «جالعىزسىز» . ەشكىمگە سىرىڭىزدى بولىسكىڭىز كەلمەيدى. نەگە؟ قورىقپاڭىز. وتباسىڭىز، دوستارىڭىز ءسىزدى تىڭداي الادى ءارى سىزگە كەڭەس بەرەدى، قينالعاندا جانىڭىزدان تابىلادى.

مىنە، وسىنداي ساراپتاما. ءسىز الدىمەن نەنى بايقاپ ەدىڭىز؟ شىنىمەن سايكەس كەلدى مە؟ ونىمەن قالاي كۇرەسپەكسىز؟ ويىڭىزدى جازا وتىرىڭىز.

massaget.kz

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى