قازاقستان مەن كورەيا رەسپۋبليكاسى مۋلتيپليكاتسيالىق فيلمدەر سالاسىندا تاجىريبە الماسادى
بۇل تۋرالى قازاقپارات ق ر اقپارات جانە قوعامدىق دامۋ مينيسترلىگىنىڭ Telegram كانالىنا سىلتەمە جاساپ حابارلايدى.
مەموراندۋم شەڭبەرىندە تاراپتار اراسىندا تاجىريبە الماسۋ، تەليەۆيزيالىق جوبالاردى ىسكە اسىرۋ ءۇشىن قولايلى جاعدايلار جاساۋ، انيماتسيالىق مۋلتفيلمدەر شىعارۋ بويىنشا دارىستەر، ماستەر-كلاستار مەن ترەنينگتەر وتكىزۋ كوزدەلگەن.
ايتا كەتۋ كەرەك، اگەنتتىك 1998-جىلى قۇرىلعان جانە «ەرەكشە ءبىلىم بەرۋ قاجەتتىلىكتەرى بار بالالار مەن جاس وسپىرىمدەرگە ارنالعان انيماتسيا اكادەمياسى» جوباسىن جۇزەگە اسىرۋدا.
مەموراندۋمنىڭ ماقساتى - ءبىلىم الۋداعى تەڭسىزدىكتى قىسقارتۋ، الەۋمەتتىك بەيىمدەلۋگە جاردەمدەسۋ، سونداي-اق جۇمىس ورىندارىن قۇرۋ جانە مۇمكىندىگى شەكتەۋلى ازاماتتاردى جۇمىسقا ورنالاستىرۋ بولىپ تابىلادى.
2021-جىلعى 12 - ناۋرىزدا قازاقستان تاۋەلسىزدىگىنىڭ 30 جىلدىعىنا وراي ق ر اقپارات جانە قوعامدىق دامۋ مينيسترلىگىنىڭ باستاماسىمەن «قازاقستان ر ت ر ك» ا ق «Balapan» تەلەارناسىنىڭ جانىنان ەرەكشە ءبىلىم بەرۋ قاجەتتىلىكتەرى بار بالالارعا ارنالعان الەۋمەتتىك انيماتسيالىق اشىلعان بولاتىن.
مۇنداي جوبا ورتالىق ازيادا العاش رەت جۇزەگە اسىرىلۋدا، وندا قازاقستان، جاپونيا جانە وڭتۇستىك كورەيانىڭ ۇزدىك مۋلتيپليكاتورلارى مەكتەپ قاتىسۋشىلارىن وقىتاتىن بولادى. مەكتەپ ەرەكشە ءبىلىم بەرۋ قاجەتتىلىكتەرى بار بالالارعا ولاردىڭ الەۋمەتتىك بەيىمدەلۋىنە ىقپال ەتەتىن جاڭا ءبىلىم مەن داعدىلاردى الۋعا مۇمكىندىك بەرەدى.
ايتا كەتەيىك، جوبا تالانتتى تۇلەكتەردىڭ بولاشاقتا جۇمىسقا ورنالاسۋ مۇمكىندىگىن قاراستىرادى.
«Balapan» تەلەارناسىنىڭ جانىنان قۇرىلعان انيماتسيالىق مەكتەپتىڭ ەرەكشەلىگى، وقۋدان كەيىن بالالار مۇعالىمدەرمەن بايلانىستارىن نىعايتىپ، قاجەت جاعدايدا كەڭەس الا الادى.
بۇگىنگى تاڭدا قازاقستاندا انيماتسيالىق ديزاين سالاسى قارقىندى دامىپ كەلەدى. سونىمەن قاتار، مۇنداي جۇمىس فيزيكالىق دامۋ ەرەكشەلىكتەرى بار ادامدار ءۇشىن ىڭعايلى بولۋى مۇمكىن.
