امەريكالىق عالىمداردىڭ قازاقستاندا ك ۆ ي- دەن قايتىس بولعاندار تۋرالى دەرەگى اسىرا كورسەتىلگەن – د س م

بۇل تۋرالى ق ر دەنساۋلىق ساقتاۋ ءبىرىنشى ۆيتسە- ءمينيسترى مارات شورانوۆ ايتتى، دەپ حابارلايدى قازاقپارات ءتىلشىسى.

«شىنىمەن دە مەديتسينالىق كورسەتىلىمدەر جانە باعالاۋ ينستيتۋتى (ا ق ش) عالىمدارىنىڭ قوسىلعان ءولىم- ءجىتىم تۋرالى حابارلاماسى بولدى. ولار كوروناۆيرۋس ينفەكسيا پاندەمياسى كەزەڭىندە قوسىلعان ءولىم- جىتىمدەر بويىنشا گيپوتەزانى تەستىلەۋ جۇرگىزگەن. جالپى، عالىمدار وزدەرىنىڭ جۇمىسىندا مالىمەتتەردى وڭدەۋدىڭ ءتۇرلى ادىستەرىن قولداناتىندىعىن، دەرەكتەر نەگىزىندە «تەوريالىق گيپوتەزا» تۇزەتىندىگىن تۇسىنەمىز. الايدا، بۇگىندە ونى تەكسەرۋ مۇمكىن ەمەس. ەڭ الدىمەن اتالعان ينستيتۋتتان قازاقستانعا دا، دەنساۋلىق ساقتاۋ مينيسترلىگىنە دە ساۋال كەلىپ تۇسپەگەندىگىن اتاپ وتكىم كەلەدى»، - دەدى ءبىرىنشى ۆيتسە- مينيستر ورتالىق كوممۋنيكاتسيالار قىزمەتىندەگى باسپا ءسوز ءماسليحاتى بارىسىندا.

سونىمەن قاتار ءولىم- ءجىتىمدى قوسىپ كورسەتۋ الەمنىڭ بارلىق ەلدەرىنە ءتان ەكەندىگىن جاسىرمادى.

«تولىقتاي العاندا زەرتتەۋدىڭ بۇكىل الەم وسى پروبلەمامەن بەتپە- بەت كەلگەندىگى تۋرالى ايتقانىمەن كەلىسۋگە بولادى جانە قوسىلعان ءولىم- ءجىتىم ءبىزدىڭ ەلگە عانا ەمەس، بارلىق، ءتىپتى دامىعان مەملەكەتتەرگە دە ءتان. جالپى، اتالعان زەرتتەۋدەگى ەلىمىزدە ءبىر جىلدىڭ ىشىندە شامامەن 80 مىڭ ءولىم- ءجىتىم قوسىلدى دەلىنگەن دەرەك تىم اسىرا كورسەتىلگەن. ءبىزدىڭ مالىمەتتەرگە سايكەس، وتكەن جىلى شامامەن 28200 جاعداي تىركەلدى»، - دەدى مارات شورانوۆ.

وتكەن جىلى كوروناۆيرۋس ينفەكسياسىنان ءولىم- جىتىمگە قاتىستى ناقتى دەرەك 4729 ادامدى قۇرايدى. بۇل تۋرالى ق ر دەنساۋلىق ساقتاۋ ۆيتسە- ءمينيسترى اجار عينيات ايتتى.

«وسى جىلدىڭ ناۋرىز ايىنىڭ سوڭىنا دەيىن جىل سايىن وڭىرلەردەن كەلىپ تۇسەتىن جىلدىق ەسەپتەردىڭ، سونىمەن قاتار ۇلتتىق ستاتيستيكا بيۋرو قورىتىندىسى بويىنشا ءولىم تۋرالى كۋالىكتى ازاماتتاردىڭ حال اكتىلەرىنە كەش تىركەۋدىڭ بارلىق جاعدايى ەسكەرىلدى»، - دەدى ۆيتسە- مينيستر ورتالىق كوممۋنيكاتسيالار قىزمەتىندەگى باسپا ءسوز ءماسليحاتى بارىسىندا.

ونىڭ اتاپ وتۋىنشە، دەنساۋلىق ساقتاۋ مينيسترلىگى ۇلتتىق ستاتيستيكا بيۋروسىمەن بىرگە بارلىق ستاتيستيكالىق دەرەكتەردى سالىستىرا تەكسەرىپ شىققان.

«وتكەن جىلى كوروناۆيرۋس ينفەكسياسىنان ءولىم- جىتىمگە قاتىستى ناقتى دەرەك 4729 ادامدى قۇرايدى. ونىڭ ىشىندە كوروناۆيرۋس ينفەكسياسىمەن بىرىزدەندىرىلگەن - 1783 ادام، ناقتىلانباعان كوروناۆيرۋس ينفەكسياسىنان - 2946 ادام»، - دەدى اجار عينيات.

اۆتور: مارلان جيەمباي

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى