قازاقستانداعى كورەي مادەني ورتالىعى ەرەكشە كونكۋرس جاريالادى
بايقاۋ ونلاين رەجيمدە وتەدى. شارت بويىنشا، كونكۋرسقا قاتىسۋشىلار كورەي مادەني ورتالىعىنىڭ سايتىندا جاريالانعان 23 كورەي تاعامىنىڭ ءبىرىن تاڭداۋ قاجەت. تاڭداپ الىنعان تاعامدى دايىنداۋ پروتسەسىنىڭ فوتوسۋرەتتەرىن جانە اقىرعى ءونىم سۋرەتىن وتىنىممەن بىرگە جولدايدى.
ءوتىنىمدى 10-ماۋسىمعا دەيىن كورەي مادەني ورتالىعىنىڭ ەلەكتروندىق پوشتاسىنا جىبەرۋ قاجەت. ونلاين- كونكۋرسقا قاتىسۋشىلاردىڭ اسپازدىق ونەرىن بۇكىل قازاقستاندىقتار 11-مامىر مەن 22-ماۋسىم ارالىعىندا كورەي مادەني ورتالىعىنىڭ YouTube پلاتفورماسىنان كورە الادى.
اقتىق سىنعا الدىن الا ىرىكتەلگەن 10 جۇمىس قانا وتەدى. ولاردىڭ ىشىنەن جەلى قولدانۋشىلارىنىڭ ونلاين- داۋىس بەرۋى ارقىلى جانە مامانداردىڭ باعالاۋى ارقىلى 5 جەڭىمپاز ىرىكتەلەدى.
«بايقاۋ جەڭىمپازدارى باعالى سىيلىقتارعا يە بولادى. جۇلدەلەرمەن قاتار بارلىق قاتىسۋشىلار اراسىندا لوتەرەيا وتكىزىلەدى. شارا تۋرالى تولىق اقپاراتتى مىنا سىلتەمە بويىنشا الۋعا بولادى»، - دەيدى كورەي مادەني ورتالىعىنىڭ ديرەكتورى لي حەران.
اۆتور: ەسىمجان ناقتىباي
