قازاقستاندا ءبىر جىلدا قۇرىلىس ماتەريالدارى قانشاعا قىمباتتادى؟
ساراپشىلار ءساۋىردىڭ قورىتىندىسى بويىنشا ءوندىرۋشى كاسىپورىنداردىڭ قۇرىلىس ماتەريالدارى جىلدىق وسىمدە 21,4 پايىزعا قىمباتتاعانىن ايتتى. ءبىر جىل بۇرىن ءوسىم تەك 0,3 پايىز بولعان.
بۇل رەتتە قۇرىلىس ۇيىمدارى ساتىپ العان قۇرىلىس ماتەريالدارىنىڭ باعاسى ءبىر جىل ىشىندە 1,7 پايىزعا ء(بىر جىل بۇرىن - 0,5 پايىزعا) وسسە، كوتەرمە ساۋدا نۇكتەلەرىندە باعانىڭ ءوسۋى 5,7 پايىزدى (ءبىر جىل بۇرىن - 2,4 پايىز) كورسەتكەن.
2021 -جىلعى ساۋىردە قۇرىلىس ماتەريالدارىنىڭ جىلدىق باعاسى 7,5 پايىزعا (ءبىر جىل بۇرىن - 6 پايىزعا) وسكەن.
قازاقستان وڭىرلەرى اراسىندا قۇرىلىس ماتەريالدارىنىڭ قىمباتتاۋى شىمكەنت پەن پاۆلودار وبلىسىندا 4,2 پايىزدان ماڭعىستاۋ وبلىسىندا 18,6 پايىزعا دەيىن.
«يندۋستريا جانە ينفراقۇرىلىمدىق دامۋ مينيسترلىگىنىڭ باسشىسى بەيبىت اتامقۇلوۆ ءتورت ايدىڭ قورىتىندىسى بويىنشا قۇرىلىس ماتەريالدارى ءوندىرىسىنىڭ 26,5 پايىزعا وسكەنىن ايتتى. جىلۋ وقشاۋلاعىش ماتەريالدار (جىلدىق ءوسىم - 2,5 ەسە)، كىرپىش (2,9 ەسە)، پورتلاندتسەمەنت (پليۋس 17,6 پايىز)، گيپس (پليۋس 21,8 پايىز) جانە قۇرىلىس ەرىتىندىلەرى (پليۋس 22,2 پايىز) ءوندىرىسى باعا ءوسىمىنىڭ درايۆەرى بولدى.
بۇل رەتتە بولشەك ساۋدا نۇكتەلەرىندە كىرپىش، كۇيدىرىلگەن سازدان جاسالعان قۇرىلىس بۇيىمدارىنىڭ باعاسى ءساۋىردىڭ قورىتىندىسى بويىنشا جىلىنا 7,7 پايىزعا، قۇرىلىس ەرىتىندىلەرى - 6,6 پايىزعا، قۇرىلىس ماقساتتارىنا ارنالعان گيپستەن جاسالعان بۇيىمدار - 6,1 پايىزعا قىمباتتادى. تسەمەنت 1,7 پايىزعا، اك پەن گيپس 0,1 پايىزعا قىمباتتادى، ال بەتون، كەرىسىنشە 5,3 پايىزعا ارزاندادى»، - دەدى ساراپشىلار.
