ساباق الۋىمىز كەرەك: اسحات ايماعامبەتوۆ قازان مەكتەبىندەگى اتىسقا پىكىر ءبىلدىردى
«قازان قالاسىنىڭ مەكتەبىندە بولعان تەررورلىق اكت كەزىندە قازا تاپقانداردىڭ وتباسىلارىنا قايعىرىپ كوڭىل ايتامىن. قايعىلى جاعداي ەشكىمدى بەيجاي قالدىرعان جوق، ءارقايسىمىزدىڭ جۇرەگىمىزگە اۋىر ءتيىپ، زور كۇيزەلىسپەن قابىلدادىق. ءبىز وسى قايعىلى وقيعالاردان ساباق الۋىمىز كەرەك. كەشە وسى ماسەلەلەر بويىنشا كەڭەس وتكىزدىم. اعىمداعى جاعدايعا تالداۋ جۇرگىزۋدى جانە جاقىن ارادا بالالاردىڭ قاۋىپسىزدىگىن قامتاماسىز ەتۋ بويىنشا بارلىق دەڭگەيلەردە قوسىمشا كەشەندى شارالار قابىلداۋدى تاپسىردىم» دەپ جازدى مينيستر Facebook پاراقشاسىندا.
اسحات ايماعامبەتوۆتىڭ ايتۋىنشا، بۇل تەك باقىلاۋ كامەرالارى، وتكىزۋ رەجيمى، كۇزەت دابىلى، دابىل تۇيمەلەرى عانا ەمەس، سونىمەن قاتار توتەنشە جاعدايداعى قىزمەتكەرلەر مەن وقۋشىلاردىڭ مىنەز- قۇلقى ماسەلەسى دە اسا ماڭىزدى. كوپ نارسە ناقتى جانە دامىعان ارەكەتتەرگە بايلانىستى.
«پسيحولوگيالىق قىزمەتتەردىڭ جۇمىسىنا جانە قولايلى جاعدايلار جاساۋعا نازار اۋدارۋ كەرەك. بۇل - ۇلكەن جانە بىرلەسكەن جۇمىس. بالالار - ءبىز ءۇشىن ەڭ قىمبات جانە ولاردىڭ قاۋىپسىز بولۋىنا بار جاعدايدى جاساۋىمىز قاجەت» دەپ تۇيىندەدى ءسوزىن ءبىلىم جانە عىلىم ءمينيسترى.
ەسكە سالا كەتەيىك، 11-مامىردا قازان قالاسىنداعى فايزي كوشەسىندەگى مەكتەپتە بەلگىسىز ەكى ادام وق جاۋدىرعان بولاتىن. بۇعان دەيىن اتىس كەزىندە 8 ادام قازا تاۋىپ، تاعى 21 ادام زارداپ شەككەنى حابارلانعان ەدى.
ايتا كەتەيىك، مەملەكەت باسشىسى قاسىم-جومارت توقايەۆ قازان قالاسىنداعى گيمنازيادا رەسەيلىك وقۋشىلاردىڭ قازا تابۋىنا بايلانىستى رەسەي فەدەراتسياسىنىڭ پرەزيدەنتى ۆلاديمير پۋتينگە كوڭىل ايتتى. قايعىلى جاعدايعا بايلانىستى تاتارستان پرەزيدەنتى رۋستام ميننيحانوۆ 12-مامىردى رەسپۋبليكادا ازا تۇتۋ كۇنى دەپ جاريالادى.
