ەش سەبەپسىز كەنەتتەن بولاتىن گيپەرتەنزيا سيندرومى جايلى نە بىلەمىز

كارديولوگيا جانە ىشكى اۋرۋلار عىلىمي- زەرتتەۋ يستيتۋتىنىڭ وڭىرلەرمەن جۇمىس جۇرگىزۋ ءبولىمىنىڭ باسشىسى، كارديولوگ دارىگەر انار تۇرسىنبەكوۆانىڭ ايتۋىنشا، ارتەريالىق قان قىسىمى ينتوكسيكاتسيا، ەموتسيالىق كۇيزەلىستەر، دەنە قيمىلىنىڭ جۇكتەمەسى، سونداي-اق جاراقاتتان كەيىن بولۋى مۇمكىن. تۇراقتى ەمەس ۆەرتەبروگەندىك قان قىسىمىنىڭ كوتەرىلۋى، ياعني ومىرتقا ارتەريالارىنىڭ قۇرىلىمى مەن جۇمىسىنىڭ وزگەرىسىنەن مي بولىگىندەگى قان اينالىمىنىڭ بۇزىلۋى جانە تاعى باسقا بولۋى مۇمكىن. بۇل سيمپتومدار تەك گيپەرتونيامەن بايلانىستى ەمەس. انار تۇرسىنبەكوۆا گيپەرتونيالىق كريزدى گيپەرتەنزيا سيندرومىمەن بولاتىن ۇرەي شابۋىلىنان اجىراتۋ ءۇشىن ناۋقاس پەن دارىگەر نەنى ءبىلۋى قاجەتتىگىن ايتىپ بەردى.

بىرىنشىدەن، قان قىسىمىنىڭ كوتەرىلۋى 60 مينۋتتان اسپاۋى كەرەك. ۇرەي شابۋىلى بىرنەشە ونداعان مينۋتقا دەيىن سوزىلادى، ارتەريالىق قان قىسىمىنىڭ كوتەرىلۋىمەن جالعاسادى، ول شامامەن 1 ساعاتتان كەيىن ءوز بەتىنشە قالپىنا كەلەدى.

«ەكىنشىدەن، بۇل ادامنىڭ ۇرەي شابۋىلى نەمەسە گيپەرتونيالىق كريز كەزىندەگى سەزىمى. گيپەرتونيالىق كريز - گيپەرتونيامەن اۋىراتىن ادامدا قان قىسىمىنىڭ كوتەرىلۋى. مۇنداي جاعدايدا قان قىسىمىنىڭ كوتەرىلۋى دەنە جانە سوماتيكالىق سيپاتتا بولادى. گيپەرتونيالىق كريز كەزىندە ميدىڭ مىندەتى - جاعدايدى تۇزەتۋ، ياعني ءدارى قابىلداۋ، جەدەل جاردەم شاقىرۋ. ۇرەي شابۋىلى كەزىندە جاعداي ءجيى وزگەرەدى. مي دەنە سەزىمىن تۋدىرادى جانە ول جوق تىتىركەندىرگىشكە جاۋاپ بەرەدى. ونىڭ فۋنكسياسى - ءسىزدىڭ باعىتىڭىزدى بۇزۋ. ءسىزدى قورقىنىش، مازاسىزدىق، ولىمنەن قورقۋ سەزىمى بيلەيدى. ءسىز نە ىستەرىڭىزدى بىلمەيسىز. گيپەرتونيالىق كريز كەزىندە مۇنداي شاعىمدار بولمايدى»، - دەيدى انار تۇرسىنبەكوۆا.

ءۇشىنشى بەلگىسى - گيپەرتونيالىق كريزدەن گيپەرتەنزيالىق سيندرومى بار ۇرەيلى شابۋىلدى اجىراتۋ. گيپەرتونيالىق كريز كەزىندە قان قىسىمىن تومەندەتەتىن ءدارى قابىلداعان جاعدايدا ول ازداپ تۇسەدى جانە قالىپقا كەلەدى. وسىنداي ۇرەي شابۋىلى بار پاتسيەنتتىڭ جاعدايى قانداي بولادى؟ قان قىسىمى 1,5-2 ساعاتتان كەيىن جىلدام تومەن تۇسە باستايدى. نەگە؟

ويتكەنى ۇرەي شابۋىلى توقتاتىلدى، قان قىسىمى ءوز بەتىنشە قالپىنا كەلدى. وسى كەزدە قان قىسىمىن تومەندەتۋ ءۇشىن قابىلداعان پرەپارات ارەكەت ەتە باستايدى. قان قىسىمى جىلدام تومەندەيدى.

ءتورتىنشى بەلگىسى - قان قىسىمىنىڭ كوتەرىلۋىنەن باسقا، باس اۋىرادى، اۋىرلىق، ۇرەي، ولىمنەن قورقۋ سەزىمى، جۇرەك اينۋ، باستىڭ اينالۋى، جالپى السىزدىك، كەۋدەدە، بۇلشىقەتتە اۋىرۋ سەزىمى سەكىلدى سيمپتومدار پايدا بولادى.

گيپەرتونيالىق كريزدىڭ بەلگىلەرى: شامالى جۇرەكتىڭ اينۋى، باستىڭ اينالۋى، السىزدىك.

بەسىنشى بەلگى - تاۋەكەل فاكتورلارىن ەسكەرۋ قاجەت. مىسالى، ەگەر 25-30 جاستاعى پاتسيەنتتە قان قىسىمى ەشقاشان بولماعان، ەندى كەنەتتەن 1 ساعاتقا دەيىن سوزىلاتىن ەپيدوزتار پايدا بولسا، بۇل ۇرەي شابۋىلى بولۋى ىقتيمال. ولار سيمپتومدارىنىڭ ايقىندىلىعىنا قاراماستان، ينفاركت، ينسۋلتپەن اياقتالمايدى. ۇرەي شابۋىلى كەزىندە 2 ساعاتتان كەيىن جاعداي اياقتالادى. ۇرەي سەزىمى قالادى. سونىمەن قاتار، دارىگەر دياگنوستيكاعا كوڭىل اۋدارۋ قاجەتتىگىن اتاپ ءوتتى.

«ۇرەي شابۋىلى كەزىندە ءدارى- دارمەك تەراپياسىن، انتيدەپرەسسانتتار، انكسيوليتيكتەردى (ترانكۆيليزاتورلار) قابىلداۋدىڭ تيىمدىلىگى از. مىنەز- قۇلىق تەراپياسى كومەكتەسەدى. پسيحوتەراپيەۆكە قارالۋدان قورىقپاۋ كەرەك. وتباسى دارىگەرىنىڭ، كارديولوگتىڭ مىندەتى - پاتسيەنت پەن پسيحوتەراپيەۆت اراسىنداعى كوپىر بولۋ. سوندا ەم ءتيىمدى بولادى. ءتىپتى ەگەر پاتسيەنتتە قانداي دا ءبىر ۇستامالار تۋىندايتىن بولسا، ول بۇل جاعدايعا قاتتى كوڭىل اۋدارمايتىن بولادى، بۇعان بەيىمدەلە باستايدى»، - دەيدى ول.

اۆتور: الما مۇقانوۆا

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى