مەملەكەت باسشىسى سادىر جاپاروۆتى جاڭا اتازاڭنىڭ قابىلدانۋىمەن قۇتتىقتادى
مەملەكەت باسشىسى قاسىم-جومارت توقايەۆ قىرعىز رەسپۋبليكاسىنىڭ جاڭا كونستيتۋتسياسىنىڭ قابىلدانۋىنا وراي قىرعىزستان پرەزيدەنتى سادىر جاپاروۆقا قۇتتىقتاۋ جەدەلحاتىن جولدادى.
- بۇكىل حالىق قولداعان اتا زاڭ قىرعىزستاننىڭ ۇزاق مەرزىمدى دامۋ ستراتەگياسىنىڭ بەرىك نەگىزىن قالايتىن، ەل ەگەمەندىگىنىڭ قورعانى بولاتىن جانە قوعامدى بىرىكتىرەتىن باستى قۇجات. ءسىزدىڭ باستامالارىڭىز بەن رەفورمالارىڭىزدىڭ ءساتتى جۇزەگە اسۋى قىرعىز مەملەكەتتىلىگىن نىعايتۋعا، حالىقتىڭ ءال-اۋقاتىن ارتتىرۋعا جانە ەلدىڭ حالىقارالىق ارەناداعى بەدەلىن كوتەرۋگە سەپتىگىن تيگىزەدى. قازاقستان قىرعىزستاننىڭ ستراتەگيالىق سەرىكتەسى ءارى وداقتاسى رەتىندە باۋىرلاس قىرعىز حالقىنا الداعى ۋاقىتتا دا جان-جاقتى قولداۋ كورسەتە بەرۋگە دايىن، - دەلىنگەن جەدەلحاتتا.
ءسوز سوڭىندا قاسىم-جومارت توقايەۆ قىرعىز حالقىنىڭ يگىلىگى مەن ءوسىپ-وركەندەۋى جولىنداعى سادىر جاپاروۆتىڭ جاۋاپتى قىزمەتىنە تولاعاي تابىس تىلەدى.
ەسكە سالا كەتەيىك، بۇگىن قىرعىزستان پرەزيدەنتى ەلدىڭ جاڭا كونستيتۋتسياسىنا قول قويعان بولاتىن.
