قولدانىستاعى ۆاكسينالار كوروناۆيرۋستىڭ مۋتاتسياعا ۇشىراعان تۇرلەرىنە قانشالىقتى قاۋقارلى

بۇل ساۋالعا مەديتسينا عىلىمدارىنىڭ دوكتورى بوتاگوز كاۋكەنوۆا جاۋاپ بەردى، دەپ حابارلايدى قازاقپارات ءتىلشىسى. «ولاردى جەكە شتامم دەپ قاراستىراتىنداي جانە سوعان بايلانىستى الاڭدايتىنداي مۋتاتسيالانۋ ورىن الا قويعان جوق. ياعني، ولاردىڭ تۇپكى ۆيرۋستان ايىرماشىلىعى بار. ءبىراق، تۇبەگەيلى وزگەرىسكە ۇشىراماعان. دەمەك، ونى قانداي دا ءبىر جەكە اۋرۋ دەپ قاراستىرۋ نەمەسە وعان جەكە ۆاكسينا ازىرلەۋ قاجەتتىلىگى تۋىنداعان ەمەس»، - دەدى بوتاگوز كاۋكەنوۆا «Experts Hub Kazakhstan « جوباسى ساراپشىلارىمەن وتكەن دوڭگەلەك ۇستەل بارىسىندا.

ونىڭ اتاپ وتۋىنشە، بۇگىندە الەم عالىمدارى الدىن الا ساقتىق جاساپ، ۆاكسينالارىن كوروناۆيرۋس ينفەكسياسىنىڭ مۋتاتسيالانعان تۇرلەرىنە سىناپ تا جاتىر.

«بىزدە ازىرشە ولاردىڭ جۇمىس ىستەپ جاتقاندىعى تۋرالى عانا اقپارات بار»، - دەدى مەديتسينا عىلىمىنىڭ دوكتورى. سونىمەن قاتار ول ءىس- شارا بارىسىندا COVID-19-عا قارسى قازاقستاندىق جانە قىتايلىق ۆاكسينالاردىڭ ءبىر- بىرىنەن ايىرماشىلىعى نەدە ەكەندىگىن ايتقان بولاتىن.

اۆتور: مارلان جيەمباي

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى