ەۋروپالىق كوميسسيا كوروناۆيرۋس ۆاكسيناسىن العاندارعا ەۋرووداققا كىرۋگە رۇقسات بەرۋدى ۇسىندى
بۇل ۇسىنىستى ەۋروپالىق كوميسسيا ۆاكسيناتسيا جانە الەمدەگى ەپيدەميولوگيالىق جاعدايدى جاقسارتۋ سالاسىنداعى جەتىستىكتەر نەگىزىندە ازىرلەدى. ەۋروپالىق كوميسسيا قولايلى ەپيدەميولوگيالىق جاعدايى بار ەلدەردىڭ ادامدارىنا عانا ەمەس، سونىمەن قاتار ەۋروپالىق ءدارى-دارمەك اگەنتتىگى رۇقسات ەتكەن ۆاكسينانى العان بارلىق ادامدارعا ە و- عا ماڭىزدى ەمەس سەبەپتەرمەن دە كىرۋگە رۇقسات بەرۋدى ۇسىنادى.
بولاشاقتا ۆاكسينالاردىڭ ءتىزىمىن دۇنيەجۇزىلىك دەنساۋلىق ساقتاۋ ۇيىمى (د د س ۇ) توتەنشە جاعدايلاردا قولدانۋعا رۇقسات بەرگەن ۆاكسينالار ەسەبىنەن كەڭەيتۋگە بولادى. ەۋروپالىق كوميسسيا بارلىق ساپارلارعا رۇقسات ەتىلەتىن ەلدەردىڭ ءتىزىمىن انىقتاۋدا قولدانىلاتىن COVID-19 اۋرۋىنىڭ جاڭا جاعدايلارىنىڭ شەكتى ءمانىن ارتتىرۋدى ۇسىنادى.
سونىمەن بىرگە «كوروناۆيرۋس مۋتاتسياسىنىڭ پايدا بولۋى قىراعىلىقتى قاجەت ەتەدى»، دەدى ەۋروپالىق كوميسسيا. ساقتىق شاراسى رەتىندە «شۇعىل تەجەۋ» تەتىگى ازىرلەندى، ول ە و دەڭگەيىندە ۇيلەستىرىلەدى جانە مۇنداي نۇسقالاردىڭ ە و- عا كەلۋ قاۋپىن شەكتەيدى.
«شۇعىل تەجەۋ» تەتىگى مۇشە مەملەكەتتەرگە ءتيىستى سانيتاريالىق شارالاردى قابىلداۋعا قاجەتتى ۋاقىتقا كۆي جاعدايى كۇردەلى ەلدەردەن بارلىق ساپارلاردى جەدەل جانە ۋاقىتشا قاتاڭ مينيمۋمعا دەيىن شەكتەۋگە مۇمكىندىك بەرەدى. قازاقستاندا قولدانىلاتىن «سپۋتنيك-5» ۆاكسيناسىن العان ادامدارعا ە و- عا كىرۋگە رۇقسات بەرۋ مۇمكىندىگىنە پىكىر بىلدىرە وتىرىپ، ەۋروپالىق كوميسسيا بۇل ماسەلە ەۋروپالىق دارىلىك زاتتار اگەنتتىگىنە بايلانىستى ەكەنىن ايتتى.
اۆتور: گۇلزات اقجولوۆا
