ق ر سىرتقى ىستەر مينيسترلىگى قازاقستاندىقتارعا ۇندەۋ جاسادى
«قۇرمەتتى ازاماتتار، قازىرگى ۋاقىتتا قازاقستان ازاماتتارى بەلارۋس ارقىلى رەسەيگە وسى ەلدىڭ ىقتيار حاتى نەمەسە رف ۇكىمەتىنىڭ 2020 -جىلعى 16-ناۋرىزداعى №635-ر وكىمىمەن بەكىتىلگەن ءتيىستى نەگىزدەر بولعان كەزدە عانا ۇشىپ كەلە الاتىنىنا سىزدەردىڭ نازارلارىڭىزدى قايتا اۋدارامىز»، - دەدى مينيسترلىكتەن.
ءمالىم ەتىلگەندەي، قازىرگى ۋاقىتتا قازاقستان ازاماتتارى رەسەيگە كەلەسى ەلدەر ارقىلى ۇشىپ كەلە الادى: تۇركيا، شۆەيتساريا، مىسىر، مالديۆ، ب ا ءا، قىرعىزستان، كورەيا، كۋبا، سەربيا، جاپونيا، سەيشەل ارالدارى، ەفيوپيا، ۆەتنام، ءۇندىستان، كاتار، فينليانديا، ازەربايجان، ارمەنيا، گرەتسيا، سينگاپۋر، ۆەنەسۋەلا، گەرمانيا، سيريا، تاجىكستان، وزبەكستان، شري- لانكا. سونداي- اق ق ر ءسىم قازاقستان ازاماتتارى رەسەيگە كەلەسى جولدارمەن جەتە الاتىنىن ەسكە سالدى:
1) تىكەلەي اۋە رەيستەرىمەن؛ 2) تىزبەسى ر ف ۇكىمەتىنىڭ 2020 -جىلعى 16-ناۋرىزداعى №635-ر وكىمىمەن بەكىتىلگەن ەلدەر ارقىلى ترانزيتتى اۋە رەيستەرىمەن؛
3) ر ف ۇكىمەتىنىڭ 2020 -جىلعى 16-ناۋرىزداعى №635-ر وكىمىمەن كوزدەلگەن نەگىزدەر بولعان جاعدايدا قۇرلىقتىق وتكىزۋ پۋنكتەرى ارقىلى نە باسقا ەلدەردەن كەلە الادى.
ەسكە سالايىق، بۇعان دەيىن ق ر س ءى م قازاقستاندىقتارعا ۇندەۋ جاساپ، وندا رەسەي اۋماعىندا زاڭسىز جۇرگەن ەلىمىز ازاماتتارى 15-ماۋسىمعا دەيىن ق ر ىشكى ىستەر ورگاندارىنا جۇگىنۋى قاجەتتىگىن ەسكەرتكەن بولاتىن. رەسەيدە بولۋ مەرزىمىن زاڭدى تۇردە ۇزارتقىسى كەلمەگەندەر جانە ەلدەن ءوز ەركىمەن كەتكىسى كەلمەگەندەر ەلدەن ماجبۇرلەپ شىعارىلاتىن بولادى. بۇدان بولەك، ر ف اۋماعىنا قايتا كىرۋگە شەكتەۋ قويىلۋى مۇمكىن.
