الماتى وبلىسىنىڭ الاكول اۋدانىنداعى كوپىردى سۋ شايىپ كەتتى - ۆيدەو

الاكول اۋداندىق باسپا ءسوز قىزمەتىنىڭ مالىمەتىنشە، قازىر كوپىردى قالپىنا كەلتىرۋ جۇرگىزىلىپ جاتىر.

«الاكول اۋدانى اۋماعىنداعى وبلىستىق ماڭىزدى بار قابانباي- لەپسى اۆتوموبيل جولىنداعى كوپىردى سۋ شايىپ كەتتى. وقيعا 30-ءساۋىر كۇنى ساعات 21:00 شاماسىندا بولدى. تاۋدان اققان وزەن سۋىنىڭ شامادان تىس كوتەرىلۋىنەن كوپىردىڭ ءبىر جاق شەتىن شايىپ كەتتى»، - دەلىنگەن ۆەدومستۆونىڭ تاراتقان حابارلاماسىندا.

قازىرگى كەزدە «الاكول جولدارى» جانە «س پ م-306» مەكمەلەرىنەن 6 تەحنيكا جەتكىزىلىپ، قاجەتتى ماماندار جۇمىلدىرىلىپ، كوپىر قايتا كەلتىرىلىپ جاتىر.

«اتالعان كوپىردىڭ قۇرىلىس جۇمىستارىنا تاپسىرىس بەرۋشى الماتى وبلىسىنىڭ جولاۋشى كولىگى جانە اۆتوموبيل جولدارى باسقارماسى. مەردىگەر مەكەمە «س م پ-306» ج ش س مەكەمەسى»، - دەپ تولىقتىردى اتالعان ۆەدومستۆونىڭ وكىلدەرى.

اۆتور: سامال قابىشەۆا

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى