الماتىدا ءۇش ايعا ارنالعان جۇمىرتقانىڭ شەكتى باعاسى بەلگىلەنەدى
تاۋىق جۇمىرتقاسىنا (1-سانات) 487 ت گ/ون دانا رۇقسات ەتىلگەن بولشەك ساۋدا باعاسىنىڭ قولدانىلۋ مەرزىمى كۇنتىزبەلىك 30 كۇننەن 90 كۇنگە دەيىن ۇزارتىلدى. الماتى اكىمدىگى بۇل شەشىمدى باعانى ۇستاپ تۇرۋ جونىندەگى قالالىق كوميسسيانىڭ ۇسىنىمدارى نەگىزىندە قابىلدادى. باعالاردىڭ ساقتالۋىن باقىلاۋدى الماتى قالاسى كاسىپكەرلىك جانە ينۆەستيسيالار باسقارماسىنىڭ ماماندارى اۋداندىق اكىمدىكتەرمەن بىرلەسىپ جۇزەگە اسىرادى. ونى ساقتاماعان ءارى جىل جىل ىشىندە قايتالاعاندار اكىمشىلىك جاۋاپكەرشىلىككە تارتىلىپ، 100 ا ە ك- تەن (291700 تەڭگە) 200 ا ە ك-كە (583400 تەڭگە) دەيىن ايىپپۇل سالىنادى.
ەستەرىڭىزگە سالا كەتەيىك، الماتى قالاسىندا جۇمىرتقاعا شەكتى باعا 2021 -جىلدىڭ 1-ساۋىرىنەن باستاپ ەنگىزىلدى. بۇل شارالار نارىقتاعى ءونىمنىڭ قۇنىن تۇراقتاندىرۋ جانە ساتۋشىلاردىڭ باعانى نەگىزسىز كوتەرۋىنە جول بەرمەۋ ماقساتىندا جۇرگىزىلەدى. ءتيىستى قاۋلى جاريالانعان كۇنىنەن باستاپ كۇشىنە ەنگىزىلەدى.
