ەۋرووداق ەلدەرى ۆاكسيناتسيانى جەدەلدەتتى

ماجارستاندا كومەندانت ساعاتىنىڭ باستالۋى ءتۇن ورتاسىنا جىلجىتىلدى. ازىق-تۇلىك ساتپايتىن دۇكەندەر مەن جىلدام ازىرلەنەتىن تاماق ورىندارى سەنبى ساعات 23-كە دەيىن جۇمىس ىستەي الادى. يممۋنيتەت سەرتيفيكاتى بار ازاماتتار كافە، مەيرامحانالارعا جانە سپورت زالدارىنا بارۋىنا رۇقسات ەتىلدى. 10-مامىردان باستاپ بيلىك 16-دان 18 جاسقا دەيىنگى ماجارلارعا ۆاكسينا ەگۋدى جوسپارلاپ وتىر.

كامەلەت جاسقا تولعان فرانسۋزدار (18+) 15-مامىردان باستاپ كوروناۆيرۋسقا قارسى ۆاكسينانتسيا الۋعا قۇقىعى بار. بۇل تۋرالى ەل پرەزيدەنتى ەممانۋەل ماكرون Twitter- دەگى پاراقشاسىندا جاريالادى. ونىڭ ايتۋىنشا، 15-مامىردان باستاپ 50 جاستان اسقان ازاماتتاردان باسقاسىنىڭ ءبارى ەكپە الۋىنا بولادى. ءساۋىر ايىنىڭ سوڭىنداعى مالىمەت بويىنشا فرانسيادا ەرەسەك تۇرعىنداردىڭ %29 ۆاكسينانىڭ كەم دەگەندە ءبىر دوزاسىن العان.

پورتۋگاليا 1-مامىردان باستاپ يسپانيامەن اراداعى قۇرلىقتاعى شەكارانى اشادى. ول قاڭتار ايىندا كوروناۆيرۋس تارالۋىن توقتاتۋ ءۇشىن جابىلعان بولاتىن. سونداي- اق سەنبىدە مەيرامحانا، كافە مەن كونديتەر ورىندارى عيمارات ىشىندە الدى ادامعا، تەراسسادا ون ادامعا شەيىن قىزمەت كورسەتە الادى. اشىق اۋادا كەز كەلگەن قوزعالىسقا رۇقسات بەرىلدى. الايدا قاشىقتان جۇمىس ىستەۋ قۇپتالادى.

تۇركيادا كوروناۆيرۋس جۇقتىرعاندار سانىنىڭ ارتۋىنا بايلانىستى بيلىك قاتاڭ شەكتەۋ شارالارىن قولداندى. تاۋلىك بويى وقشاۋلاۋ رەجىمى جاريالانعان. ۇيدەن تەك ماڭىزدى سەبەپپەن شىعۋعا رۇقسات ەتىلەدى، ونىڭ ىشىندە ازىق-تۇلىك ساتىپ الۋ دا بار. مەكتەپتەر قاشىقتان وقىتۋعا كوشىرىلدى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى