قول-اياق ءجيى ۇيىسا قاۋىپتى مە؟

شامالى دۇرىس وتىرماي قالساڭىز بولعانى - ۇيىپ قالعانىن سەزەسىز. اسىرەسە كارانتين كەزىندە ۇيدە وتىرعان، قيمىلسىز ادامداردان كوپ بايقالاتىن كورىنەدى. ەندەشە بۇل قۇبىلىس قانشالىق قاۋىپتى ءارى زيان؟

Massaget.kz ءتىلشىسى بۇل ساۋالدىڭ جاۋابىن ا. سىزعانوۆ اتىنداعى ۇلتتىق عىلىمي حيرۋرگيا ورتالىعىنىڭ كارديولوگ دارىگەرى راشيدا حاليمنازاروۆادان سۇراپ كوردى.

دارىگەردىڭ ايتۋىنشا، دەنەنىڭ ۇيۋىنىڭ ەكى ءتۇرى بار.

ءبىرىنشىسى - قاراپايىم ۇيۋ. ياعني ادەتتە بولاتىن جاعداي. قول، اياق، مويىن مەن ساۋساق، ت. ب. دەنە بولىكتەرى ۇيىپ قالادى. بۇل - قالىپتى جاعداي. ويتكەنى ادام ىڭعايسىز كۇيدە ۇزاق وتىرىپ قالسا، بۋىن قىسىلىپ قالادى دا، قان اينالىمى دۇرىس جۇرمەيدى. سوندىقتان اياق-قولدى بۇگىپ نە بۇكتەپ، قيسايتىپ وتىرۋدان بارىنشا اۋلاق بولۋ كەرەك، - دەيدى راشيدا حاليمنازاروۆا.

اياق-قول ۇيۋدىڭ ەكىنشى ءتۇرى - نيەۆرولوگيالىق ۇيۋ. ياعني، ومىرتقا مەن بەل، تىرەك-قوزعالىس اپپاراتىنىڭ بۇزىلۋىنان بولاتىن قۇبىلىس. مۇنداي جاعدايدا ماماننىڭ كومەگى كەرەك.

«اياق-قول ءجيى ۇيىماسىن دەسەڭىز، كوبىرەك قوزعالىپ، قاندى اينالىمعا كەلتىرىڭىز. ارتىق سالماق، شىلىم شەگۋ مەن فاست-فۋد جەۋ، ىشىمدىك ءىشۋ - مۇنىڭ ءبارى جۇرەكتىڭ سوزىلمالى اۋرۋلارىنا اكەلەدى. سپورتقا كوبىرەك ءمان بەرىڭىز. اسىرەسە جاياۋ ءجۇرۋ مەن جۇگىرۋدىڭ پايداسى كوپ. سپورتتى تاڭداعاندا، جۇرەككە سالماق تۇسىرمەيتىن، فيزيكالىق جۇكتەمەسى قالىپتى قيمىل-قوزعالىس ءتۇرىن تاڭداۋ كەرەك»، - دەپ كەڭەس بەردى كارديولوگ.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى