ويدى وقيتىن قۇلاققاپ جاسالدى

ادەتتەگى ءبىز پايدالاناتىن قۇلاققاپقا ۇقسايدى، ءبىراق وندا ميداعى نەيروندار تۋدىراتىن ەلەكترلىك سيگنالداردى قاداعالايتىن داتچيكتەرى بار.

ول ادام نازارىن ءبىر جەرگە اۋدارعاندا مي تولقىندارىنىڭ قانداي بولاتىنىن بىلۋگە ​​ارنالعان ماشينالىق وقىتۋ الگوريتمدەرىن قولداناتىن قوسىمشامەن بىرگە جۇمىس ىستەيدى.

سودان كەيىن جۇيە حابارلاندىرۋلاردى وشىرە الادى، تىنىشتاندىراتىن اق شۋدى قوسادى نەمەسە «ويدى قۋاتتاۋ» ءۇشىن ءۇزىلىس جاساۋعا شاقىرادى. وسىلايشا قۇلاققاپ سىزگە پسيحيكالىق ءۇزىلىس قاجەت بولعان كەزدە انىقتايدى.

Neurable باس اتقارۋشى ديرەكتورى رامزەس الكايد بۇل قۇرىلعىنى جول اپاتىندا اياعىنان ايىرىلعاننان كەيىن وزىنە پروتەز ويلاپ تاپقان ناعاشى اعاسىنىڭ ىسىنەن شابىت الىپ جاساعان.

«مەنى ينجەنەرلىك ازىرلەمەلەر ادامنىڭ ۇتقىرلىعى مەن ءال-اۋقاتىن قالاي جاقسارتاتىنى قاتتى قىزىقتىردى. وسى پروتسەستە ادامداردىڭ كوپتەگەن ماسەلەلەرىن باسقارۋ ورتالىعى - ميىمەن جۇمىس ىستەۋ ارقىلى شەشۋگە بولاتىنىن ءتۇسىندىم. ادامدار كۇنىنە تەك ەكى-ءۇش ساعاتتان جوعارى ونىمدىلىككە يە دەگەن تەوريانى نەگىزگە الا وتىرىپ، Enten ءۇزىلىس ۇسىنادى، حابارلاندىرۋلاردى بۇعاتتايدى جانە شۋدى ازايتادى، سوندىقتان پايدالانۋشىلار كۇنى بويى جۇمىسقا نازار اۋدارا الادى»، - دەيدى ول.

بولاشاقتا قۇرىلعى ادامنىڭ جاعدايىن باسقا فاكتورلار ارقىلى انىقتايدى. وسى مالىمەتتەر نەگىزىندە قۇلاققاپ ويناتۋ تىزىمىندەگى مۋزىكانى ءوز بەتىنشە تاڭدايدى. قازىر قۇلاققاپتىڭ قۇنى 279 دوللار (119 مىڭ تەڭگە).

massaget.kz

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى