الماتىدا جولدىڭ قارسى بەتىنە شىعىپ كەتكەن جۇرگىزۋشى جازاعا تارتىلدى
الماتى جولدارىندا اپاتتىق جاعداي تۋعىزعان «مەرسەدەس-220» كولىك جۇرگىزۋشىسى تاعىز كولىك اعىنىنان شىعىپ، قارسى جولاقتا قوزعالۋدى جالعاستىردى. ونى سول كولىكتىڭ جولاۋشىسى ۇيالى تەلەفون كامەراسىنا تۇسىرگەن. بەينەجازبادان جۇرگىزۋشى نەميروۆيچ- دانچەنكو كوشەسىمەن رىسقۇلوۆ داڭعىلىنا قاراي بۇرىلعانىن بايقاۋعا بولادى.
«الەۋمەتتىك جەلىدە جاريالانعان ۆيدەوعا جاۋاپ اياسىندا قۇقىق بۇزۋشى انىقتالدى. ول باسقا قالادان كەلگەن 22 جاستاعى ازامات بولىپ شىقتى. قارسى باعىتتاعى قوزعالىسقا ارنالعان قوزعالىس بولىگىنەن شىققانى ءۇشىن قۇقىق بۇزۋشىعا ق ر ا ق ب ك-نىڭ 596-بابى بويىنشا اكىمشىلىك ءىس قوزعالدى. جۇرگىزۋشىگە قاتىستى جيناقتالعان ماتەريال شەشىم قابىلداۋ ءۇشىن قالالىق اكىمشىلىك سوتىنا جىبەرىلدى. ول كولىك قۇرالىن باسقارۋ قۇقىعىنان ايىرىلادى»، - دەدى الماتى قالالىق پ د جەرگىلىكتى پوليتسيا قىزمەتى باسقارماسىنىڭ باستىعى ماناپ ساتتاروۆ.
سپيكەردىڭ ايتۋىنشا، قۇقىق بۇزۋشى قارسى كەلە جاتقان جولاققا شىعۋمەن قاتار، قيىلىستى باعدارشامنىڭ تىيىم سالاتىن بەلگىسىنەن كەسىپ وتكەن، مەملەكەتتىك تىركەۋ نومىرلىك بەلگىسى جوق، قاۋىپسىزدىك بەلدىگىنسىز ءجۇرىپ، مانيەۆر جاساپ، اپاتتىق جاعدايلار تۋعىزعان. قۇقىق بۇزۋشىعا 100 مىڭ تەڭگە اكىمشىلىك ايىپپۇل سالىندى.
اۆتور: الما مۇقانوۆا
