ەلىمىزدە قانشا اسكەري قىزمەتشى ۆاكسينا سالدىردى

بۇل تۋرالى ورتالىق كوممۋنيكاتسيالار قىزمەتىندە وتكەن بريفينگىدە ايتىلدى، دەپ حابارلايدى قازاقپارات ءتىلشىسى.

«اسكەري قىزمەتشىنى تولىق اسكەري- مەديتسينالىق قامتۋ ءۇشىن بارلىق جاعداي جاسالعان. قارۋلى كۇشتەردە وسى ءۇشىن قاجەتتى مەديتسينالىق قۇرالمەن جابدىقتالعان 15 گوسپيتال، لازارەت، ەمحانا، 130 دان استام مەديتسينالىق پۋنكت، روتا مەن بولىمشە جۇمىس ىستەيدى. ودان باسقا، سانيتاريالىق- ەپيدەميولوگيالىق قىزمەتتەر، ءدارى-دارمەكپەن، مەديتسينالىق بۇيىممەن قامتۋ ءۇشىن قويمالار جۇمىس ىستەيدى»، - دەيدى «قارۋلى كۇشتەردە زاتتاي مۇلىكپەن قامتاماسىز ەتۋ جانە تاماقتاندىرۋدى ۇيىمداستىرۋ» تۋرالى بريفينگىدە ق ر قورعانىس ءمينيسترىنىڭ ورىنباسارى مۇحامەدجان تالاسوۆ.

ول پاندەميا كەزەڭىندە نۇر-سۇلتان جانە الماتى قالالارىنداعى گوسپيتالدەردە ينفەكسيالىق ستاتسيونارلار جۇمىس ىستەيتىنىن ايتتى.

«وڭىرلىك گوسپيتالدەر مەن لازارەتتەردە وسىنداي قىزمەتتەر ءۇشىن قوسىمشا ينفەكسيالىق بولىمشەلەر اشىلعان. ءتورت پ ت ر- زەرتحانا جۇمىس ىستەيدى، ولاردىڭ ءارقايسىسى تاۋلىگىنە 300 گە دەيىن تالداما جۇرگىزە الادى. قارۋلى كۇشتەردەگى اسكەري-مەديتسينا قىزمەتكەرلەرىنىڭ قاجىرلى ەڭبەگىنىڭ جانە ىندەتتىڭ تارالۋىنىڭ ەڭ بەلسەندى كەزەڭىندە بارلىق سانيتارلىق-ەپيدەميولوگيالىق تالاپتاردىڭ ساقتالۋىنىڭ ارقاسىندا اسكەردە كوروناۆيرۋس ينفەكسياسىن جۇقتىرۋدىڭ جاپپاي جاعدايلارى تىركەلگەن جوق. بۇگىنگى تاڭدا ەكپە العانداردىڭ جالپى سانى 30 مىڭعا جۋىق. ەكپە سالۋ ءالى دە جالعاسۋدا»، - دەيدى ول.

اۆتور: زارينا قاھارمان

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى