كوروناۆيرۋس: قازاقستانعا اراب ۆاكسيناسى جەتكىزىلەدى
«قازىرگى ۋاقىتتا ەلىمىزدە شەكتەۋ جوق، ۆاكسينانى قازاقستاننىڭ كەز كەلگەن قالاسىندا ەكتىرۋگە بولادى. وسى ورايدا جاقىندا ورنالاسقان ەمحاناعا نەمەسە ەكپە جۇرگىزىلىپ جاتقان ساۋدا ورتالىعىنا بارۋعا مۇمكىندىك جاسالدى. ۆاكسينا اقىسىز تۇردە جۇرگىزىلىپ جاتىر»، - دەپ توقتالدى مينيستر ورتالىق كوممۋنيكاتسيالار قىزمەتىندە.
وسى ورايدا ول ەلىمىزدە «سپۋتنيك V « جانە وتاندىق QazVac ۆاكسيناسىن ەگۋ جۇرگىزىلىپ جاتقانىن ەسكە سالدى.
«بۇگىن قوسىمشا اراب ۆاكسيناسىن الامىز. ياعني، بۇل ەكپە «سينوفارم» كومپانياسىنىڭ قىتايلىق تەحنولوگياسىمەن وندىرىلگەن. قازىرگى كەزدە وسى ۆاكسينانى كۇتىپ وتىرمىز جانە ونى وڭىرلەرگە تاراتامىز. وسى ارقىلى بىزدە حالىق ءۇشىن ءۇش ۆاكسينا قولجەتىمدى بولادى»، - دەدى ا. سوي.
بۇدان بۇرىن حابارلانعانداي، اقتوبەلىك مۇنايشىلار ساۋد ارابياسىندا وندىرىلگەن قىتايلىق «سينوفارم» ۆاكسيناسىن قابىلدايدى.
اۆتور: رۋسلان عابباسوۆ
